Bakı/14.09.18/Turan: Cümə günü baş nazir Novruz Məmmədov Bakıda səfərdə olan İsrailin müdafiə naziri Aviqdor Libermanı qəbul edib.
Nazirlər Kabinetinin mətbuat xidmətinin məlumatına görə, N.Məmmədov Azərbaycan-İsrail münasibətlərini və bunda yüksək vəzifəli nümayəndə heyətlərinin səfərlərinin oynadığı rolu yüksək qiymətləndirib.
Onun sözlərinə görə, hər iki tərəf bu münasibətlərin genişləndirilməsində maraqlıdır. Bu, regional və beynəlxaq təhlükəsizlik baxımından da vacibdir.
A.Liberman cavab sözündə deyib ki, Azərbaycanda dəfələrlə olub və burada özünü evdəki kimi hiss edir.
Görüş zamanı tərəflər hərbi və digər sahələrdə əməkdaşlıq məsələlərini müzakirə ediblər.-02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz