mod.gov.az
Bakı/02.02.22/Turan: Fevralın 1-də Azərbaycanın müdafiə naziri Zakir Həsənov Ankarada Türkiyə prezidenti Recep Tayyip Erdoğan və müdafiə naziri Hulusi Akarla görüşüb.
Akarla görüşdə regional təhlükəsizlik məsələləri, iki ölkə arasında hərbi, hərbi-texniki, hərbi təhsil sahələrində və digər sahələrdə əməkdaşlığın inkişafı perspektivləri müzakirə olunub.
Akar iki ölkə arasında əməkdaşlığın bundan sonra da möhkəmlənəcəyindən və inkişaf edəcəyindən əminliyini bildirib.
Öz növbəsində, Həsənov Türkiyənin İkinci Qarabağ müharibəsi zamanı Azərbaycana göstərdiyi mənəvi və siyasi dəstəyə görə təşəkkürünü bildirib. O, Azərbaycan hərbiçilərinin birgə təlimlər zamanı əldə etdiyi döyüş təcrübəsinin əhəmiyyətini qeyd edib. Hər iki tərəf bu cür tədbirlərin müntəzəm olaraq keçirilməsinin vacibliyini vurğulayıb. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz