Bakı/18.01.18/Turan: Yanvarın 18-də Bakıda Azərbaycan Müdafiə Nazirliyi və Pakistan İslam Respublikası Birləşmiş Qərargahı arasında Azərbaycan-Pakistan işçi qrupunun 8-ci görüşü başa çatıb. Bu barədə Müdafiə Nazirliyinin məlumatında bildirilir.
Görüşdə hərbi əməkdaşlığın vəziyyəti və inkişaf perspektivləri, regionda təhlükəsizlik, hər iki dövlətin ordusu arasında dostluq əlaqələrinin möhkəmləndirilməsi, o cümlədən 2018-ci ildə birgə tədbirlərin keçirilməsi məsələləri müzakirə olunub.
Görüşün sonunda hərbi sahədə protokol imzalanıb.
Xatırladaq ki, işçi qrupunun görüşü yanvarın 17-də başlayıb.
2002-ci ildə Azərbaycan və Pakistan hökumətləri arasında müdafiə və hərbi sahədə əməkdaşlıq haqqında saziş imzalanıb. Saziş çərçivəsində Azərbaycan-Pakistan işçi qrupu yaradılıb.-05D-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz