Açiq mənbələrdən foto.
Belə ibadətgah Cəbrayılın mədəniyyət tarixinin bir hissəsi sayıla bilməz
Bakı/26.03.21/Turan: “Bu cür ittihamları ciddi şəkildə nəzərdən keçirir, amma YUNESKO üzrə Ermənistan Milli Komissiyasının Azərbaycan tərəfindən hər hansı bir “mədəniyyət cinayəti” törədilməsi barədə iddialarını qətiyyətlə rədd edirik. Azərbaycan mədəniyyətin və dini müxtəlifliyin qorunmasına sadiq olduğunu dəfələrlə təsdiq edib və bu, dəyişməz olaraq qalır”. Bunu Azərbaycan Xarici İşlər Nazirliyinin mətbuat xidməti Azərbaycanın işğaldan azad edilmiş ərazilərində “mədəniyyət cinayətləri” törətmək barədə Ermənistanın iddialarına cavab olaraq martın 26-da yaydığı şərhində bildirir.
Şərhdə deyilir ki, 2021-ci il martın 25-də “Bi-Bi-Si Nyus” Azərbaycaınn Cəbrayıl şəhərində "erməni kilsəsinin yoxa çıxması” barədə xəbər yayıb.
Şərhdə vurğulanır ki, haqqında danışılan ibadətgah Azərbaycanın əraziləri işğal altında olanda qeyri-qanuni tikilib.
Sənəddə deyilir ki, işğala qədər həmin ərazilərdə yalnız etnik azərbaycanlılar yaşayırdılar. Üstəlik şərhdə vurğulanır ki, əksinə, ermənilər işğal dövründə bu rayonda da evləri dağıtmış, ərazini xarabalığa çevirmiş, dini ibadətgahları darmadağın etmişlər.
“Yalnız beş il əvvəl tikilən və inşası tam şəkildə Ermənistan işğalçı qüvvələrinə xidmət etmək məqsədi daşıyan ibadətgah Cəbrayılın mədəniyyət tarixinin bir hissəsi hesab edilə bilməz....Azərbaycanın irsini qəsdən hədəf alan, bir vaxtlar işğal olunmuş ərazilərdə mədəni təmizləmə və çoxsaylı hərbi cinayətlər həyata keçirən, o cümlədən 927 kitabxana, 60-dan çox məscid, 44 məbəd, 473 tarixi məkan, saray və muzeyi dağıdan ölkənin Azərbaycanı ittiham etmək üçün nə hüquqi, nə də mənəvi haqqı var”, - şərhdə qeyd olunur.
Şərhdə deyilir ki, 2005-ci ildə nəşr olunan YUNESKO-nun Fəaliyyət Hesabatında Azərbaycan hökuməti Dağlıq Qarabağda və digər işğal olunmuş ərazilərdə mədəni irsin qorunması ilə bağlı narahatlığını ifadə edib və bu ərazilərə fakt araşdırma missiyasının göndərilməsini xahiş edib.
Şərhə görə, bu missiyanın qarşısı Ermənistanın hərbi qüvvələri tərəfindən aınıb.
Şərhdə deyilir ki, bu xüsusda YUNESKO ilə konstruktiv dialoq aparılır və ümid edilir ki, bu missiya tezliklə baş tutacaq, Azərbaycan isə azad edilmiş ərazilərində tarixi, mədəni və dini irsin qorunması və saxlanması üzrə beynəlxalq öhdəliyinə sadiq qalır.-05D-
Siyasət
-
Sentyabrın 30-da Bakıda İqlim Fəaliyyəti Həftəsi açılıb. Oktyabrın 4-dək davam edəcək tədbirdə siyasi, maliyyə, elmi və mədəni dairələrin nümayəndələri, həmçinin vətəndaş cəmiyyəti və KİV təmsilçiləri iştirak edirlər.
-
ABŞ və Avropa İttifaqının insan hüquqları üzrə yüksək vəzifəli şəxsləri Gürcüstandakı vəziyyəti müzakirə etmək üçün ötən həftə Nyu-Yorkda görüşüblər, Turan-ın Vaşinqton müxbiri bildirib.
-
Sentyabrın 30-dan oktyabrın 4-dək davam edəcək payız sessiyasında Azərbaycanda demokratiya, qanunun aliliyi və insan hüquqlarının vəziyyətinin pisləşməsi mövzusunda müzakirələrin keçirilməsi gözlənilir.
-
Azərbaycanın Xarici İşlər Naziri Ceyhun Bayramov şənbə günü BMT Baş Assambleyasının illik sessiyasında çıxış edərək Ermənistanla “qismən sülh”ün mümkün olmadığını bəyan edib. Bu açıqlama İrəvanın həftənin əvvəlində daha nikbin mövqe sərgiləməsindən sonra səsləndirilib. Bayramovun sözləri iki ölkə arasındakı mövqelərin kəskin fərqliliyini ön plana çıxararaq, hərtərəfli sülh müqaviləsinin yekunlaşdırılması üçün qarşıda duran əhəmiyyətli maneələri vurğuladı.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Audio xəbər
Xəbər lenti
-
- Siyasət,
- 11:30
- 271
-
- Böyük Şərq,
- 06:35
- 327
Rəy yaz