BMT Təhlükəsizlik Şurasının iclasında Laçın yolunda vəziyyətin müzakirəsi heç bir nəticə verməyib

Bakı/17.08.23/Turan: Ağdamdan Xankəndiyə gedən yolla yanaşı Laçın yolu da humanitar yardım üçün açılmalı, Ermənistan və Azərbaycan münasibətləri normallaşdırmalıdır. Ondan çox ölkənin və bəzi beynəlxalq təşkilatların nümayəndələrinin BMT Təhlükəsizlik Surasinda ki çıxışlarının əsas tezisləri belədir.

Müzakirılərin nəticəsi olaraq, heç bir bəyanat ya da qətnamə qəbul olunmayıb.

Çıxış edənlərin əksəriyyəti humanitar yardım məsələlərini siyasiləşdirməməyə, dövlət sərhədinin delimitasiyası və demarkasiyasını həyata keçirməyə, ərazilərin minalardan təmizlənməsinə çağırıb ki, bu da gərginliyi azaldacaq və münasibətlərin normallaşmasına xidmət edəcək.

Rusiyanın nümayəndəsi gərginliyin azaldılması ilə bağlı oz hökumətinin kompromis təklifinə işarə edib. Bu Ağdam və Laçın vasitəsilə dəhlizlərin paralel açılmasını nəzərdə tutur.

Türkiyə nümayəndəsi deyib ki, Azərbaycan çoxdan bildirir ki, Laçın dəhlizindən Qarabağa silah və minaların daşınması üçün istifadə olunub. Azərbaycan öz ərazisində təhlükəsizlik tədbirləri görüb və humanitar məsələlərə riayət edərək, Laçın yolu ilə tibbi evakuasiyaya  şərait yaradır.

Ermənistanın xarici işlər naziri Ararat Mirzoyan Rusiya sülhməramlılarını və Təhlükəsizlik Şurasını Laçın yoluyla nəqliyyatın və adamların hərəkətinin dərhal açılması üçün addımlar atmağa çağırıb.

Öz növbəsində, Azərbaycanın Birləşmiş Millətlər Təşkilatındakı nümayəndəsi Yaşar Əliyev bu iddiaları rədd edərək Ermənistanı Azərbaycanın suverenliyini və ərazi bütövlüyünü pozmaq cəhdində ittiham edib.

O, Ermənistanın Laçındakı sərhəd məntəqəsinin qanunsuz sayılması tələbini təmin etməyən Beynəlxalq Məhkəmənin qərarını xatırladıb. O həmçinin xatırladıb ki, eyni vaxtda Laçın və Ağdamdan Qarabağa nəqliyyatın açılması barədə son razılaşmanı məhz Ermənistan pozub.

Ən ermənipərəst, birtərəfli qiymətləndirmələr və bəyanatlar Fransa və Avropa İttifaqının nümayəndələri  Natali Brodurst və Silvio Gonzatonun çıxışlarında səslənib.

Azərbaycan Xarici İşlər Nazirliyi  Birləşmiş Millətlər Təşkilatı Təhlükəsizlik Şurasının iclasını hələlik qiymətləndirməyib.

İclasdakı bütün çıxışların tam mətni bu linkdə: 02D