![Ermənilər AŞPA-da antierməni məruzələrin qarşısını almaq üçün Avropaya missiya göndəriblər](https://turan.az/resized/media/2016/main/011100143000-750-500-resize.webp)
Ermənilər AŞPA-da antierməni məruzələrin qarşısını almaq üçün Avropaya missiya göndəriblər
Yeni ilin ilk günlərində Ermənistan hakimiyyəti AŞPA-nın qış sessiyasında iki məruzənin – britaniyalı Robert Uolterin “Dağlıq Qarabağda və Azərbaycanın digər işğal edilmiş rayonlarında güc tətbiqinin artması” və Bosniya və Herseqovinalı deputat Militsa Markoviçin “Azərbaycanın sərhəd rayonlarının sakinləri qəsdən sudan məhrum edilir” adlı məruzələrinin qəbulunun qarşısını almaq üçün fəal səy göstərir.
Ermənistan KİV-nin məlumatına görə, məruzənin qəbulu mümkünlüyünün qarşısını almaq üçün Yerevan təkcə rəsmi səfirlik kanallarından deyil, öz diaspora resurslarından da istifadə edir.
Bu günlərdə müxtəlif Avropa paytaxtlarında Ermənistan və erməni diasporası nümayəndələri xarici həmkarlarını bu məruzələrin əleyhinə səs verməyə razılaşdırmağa çalışır.
Xüsusən, Ermənistan Parlamentinin vitse-spikeri Eduard Şarmazanov belə bir missiya ilə Pribaltika ölkələrinə səfərə gedib. Daha sonra o, Çexiya və Yunanıstana səfər edəcək.
Parlamentin hüquq məsələləri üzrə komissiyasının rəhbəri Ovannes Saakyan analoji missiya ilə Buxarest və Varşavaya səfərə gedib. Parlamentin xarici məsələlər komissiyasının rəhbəri Artak Zakaryan və Ermənistan-Avropa İttifaqı əməkdaşlığı Komissiyasının həmsədri Samvel Farmanyan müxtəlif Avropa ölkələrinə göndərilib.
Bu arada, Avropada Ay Data (EAFJD) ofisi Change.org-da AŞPA-da antierməni məruzələrə qarşı imzatoplama aksiyasına başlayıb.
Xatırladaq ki, AŞPA-da hər iki məruzə üzrə müzakirələr və səsvermə yanvarın 26-na təyin edilib.
Bu sənədlərdə Azərbaycan ərazilərinin işğalını və ermənilərin Qarabağ münaqişəsində beynəlxalq hüquq prinsiplərini pozmasını təsdiq edən ifadələr yer alır.
Bundan əvvəl Ermənistan tərəfin bu sənədlərin AŞPA-nın qış sessiyasının gündəliyindən çıxarılmasına nail olmaq cəhdləri uğursuz nəticələnib. -02D-
-
- İqtisadiyyat
- 11 Yanvar 2016 13:04
-
- Siyasət
- 11 Yanvar 2016 14:48
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz