Müsavat Gənclər Təşkilatının sədri Tural Abbaslıya və NİDA hərəkatından Ziya Bayramova əsgər ölümünə etirazlarla bağlı martın 10-a planlaşdırılan aksiya ilə bağlı xəbərdarlıq olunub.
T. Abbaslının Turan-a verdiyi məlumata görə, martın 9-da Bakı Şəhər Baş Polis İdarəsində olublar. Onları idarə rəisinin müavini Səhlab Bağırov və Bakı şəhər prokurorunun 1-ci müavini Fazil Həsənəliyev qəbul edib.
Onun sözlərinə görə, onlar xəbərdarlıq edərək Fəvvarələr meydanında aksiya keçirməməyi bildiriblər.
"Biz onlara Bakı Şəhər İcra Hakimiyyətinə göndərdiyimiz məktubda aksiya üçün Fəvvarələr meydanının adını yazmadığımız, üstəlik, hələ meriyadan da cavab gəlmədiyi və bu səbəbdən də polisə çağırılmağımızın və bizə xəbərdarlıq edilməsinin əsassız olduğunu bildirdik”, - Tural Abbaslı vurğulayıb.
Bununla da xəbərdarlığa imza atılmayıb.
Qeyd edək ki, aksiya ilə bağlı artıq təqiblər başlanılıb. NİDA hərəkatının 3 üzvü şübhəli qismində saxlanılıb, digər musavatçı isə 5 sutkalıq həbs olunub. Daxili İşlər Nazirliyi Bakı Şəhər İcra Hakimiyyəti ilə razılaşdırılmamış istənilən aksiyanın qarşısının alınacağını bəyan edir.-16d-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz