Bakı/02.08.18/Turan: İranın Məşhəd, Şiraz və İsfahan şəhərlərində iqtisadi şəraitin yaxşılaşdırılması tələbi ilə etiraz aksiyaları keçirilib. Yerli KİV Məşhəddə etiraz aksiyasında yüzə yaxın insanın iştirak etdiyini bildirir.
Aksiya iştirakçıları hakimiyyəti ərzaq qiymətlərinin bahalaşmasına son qoymağa və milli valyutanın məzənnəsinin düşməsini dayandırmağa çağırıblar. Aksiya polis tərəfindən dağıdılıb.
Sosial şəbəkələrdə İsfahan, Şiraz və Kərəç şəhərlərində etiraz aksiyalarından kadrlar yayılıb. Kadrlarda yüzlərlə İran sakiinin hakimiyyətin iqtisadi siyasətini pislədiyi görünür. Aksiya iştirakçıları mövcud rejimə qarşı şüarlar səsləndirir və təkər yandırırlar.
Ötən ilin dekabrında Məşhəddə artıq etiraz aksiyaları keçirilib, aksiyalar tezliklə İranın digər şəhərlərinə də yayılıb, 25 nəfər həlak olub.
Qeyd edək ki, İrana qarşı sanksiyalar bərpa edildikdən sonra milli valyuta rialın məzənnəsi kəskin şəkildə düşüb, Qərb şirkətləri İranı tərk etməyə başlayıblar, İrandan neft alışı isə azalıb, bütün bunlar ölkədə ciddi iqtisadi problemlərə səbəb olub. -02D-
Siyasət
-
Avropa İttifaqı Şurasının Prezidenti Antonio Koşta yanvarın 9-da Azərbaycan Respublikasının Prezidenti İlham Əliyevə zəng edib.
-
Ermənistanın baş naziri Nikol Paşinyan Facebook səhifəsində regionda uzuznmüddətli sülhün bərqərar olması ilə bağlı təkliflərini dərc edib. Bu təkliflər arasında o, Azərbaycana təkcə beynəlxalq məhkəmələrdə deyil, ümumiyyətlə də qarşılıqlı iddialardan imtina etməyi təklif edib.
-
ABŞ Ukrayna üçün yeni və prezident Co Baydenin administrasiyası dövründə sonuncu hərbi yardım paketini açıqlayıb. ABŞ-ın müdafiə naziri Lloyd Ostin Almaniyada bildirib ki, yardımın məbləği 500 milyon dollar təşkil edir.
-
Bakıda 10 yeni metro stansiyasının inşa ediləcəyi gözlənir. Bu barədə yanvarın 7-də jurnalistlərlə görüş zamanı prezident İlham Əliyev danışıb.
Rəy yaz