![KTMT Ermənistanın təhlükəsizliyinə qarant ola bilməz](https://turan.az/resized/media/2012/main/072300005971-750-500-resize.webp)
KTMT Ermənistanın təhlükəsizliyinə qarant ola bilməz
Kollektiv Təhlükəsizlik Müqaviləsi Təşkilatına (KTMT) üzvlük Ermənistanın təhlükəsizliyinə zəmanət vermir. Bu barədə iyulun 20-də Yerevanda mətbuat konfransında Qloballaşma və Regional İnkişaf Mərkəzinin rəhbəri Stepan Qriqoryan bildirib.
“Özbəkistanın KTMT-dən çıxması Ermənistanı düşünməyə vadar etməlidir, çünki məlumdur ki, bu qurum respublikanın təhlükəsizliyinin qarantı ola bilməz”, - politoloq vurğulayıb.
KTMT uzun zamandır ki, mövcuddur və öz mövqelərini möhkəmləndirmək və iştirakçı ölkələrin sayını artırmaq əvəzinə onları itirir. Özbəkistan bunu başa düşdü və qərara aldı ki, gələcəkdə NATO və ABŞ ilə münasibətləri qurmaq üçün təşkilatdan çıxsın.
“Daşkənd yaxşı başa düşür ki, hərbi texnikanı Əfqanıstandan çıxarmalı olan ABŞ və NATO onları geriyə aparmayacaq, Mərkəzi Asiyada yerləşdirmək niyyətində olacaq və Özbəkistan bu silahın bir hissəsini qəbul edə və bununla da öz təhlükəsizliyi üçün əlavə təminatlar yarada bilər”.
KTMT müqavilə iştirakçısı olan ölkələrin ərazisində başqa dövlətlərin hərbi texnikasının yerləşdirilməsinə yol vermir və nəticədə Daşkənd KTMT-ni NATO-ya dəyişməyə üstünlük verdi”, - Qriqoryan vurğulayıb.
Ermənistan başa düşməlidir növbəti dəfə boş layihələrə aldanmamalıdır və bunun itirilmiş zaman olduğunu bilməlidir.
* KTMT bir neçə Avrasiya dövləti (Ermənistan, Qazaxıstan, Qırğızıstan, Rusiya, Tacikistan və Özbəkistan) tərəfindən yaradılmış hərbi-siyasi ittifaqdır. Sonradan bura Azərbaycan, Gürcüstan, Belarus qoşulub. 1992-ci il mayın 15-dən fəaliyyət göstərir.
1999-cu ildə Azərbaycan və Gürcüstan təşkilata üzvlüklərini dayandırıblar. 2012-ci il iyunun 28-də Özbəkistan təşkilatda üzvlüyünü dayandırıb. Hazırda təşkilatın 6 üzvü var.-02D-
-
- İqtisadiyyat
- 23 İyul 2012 13:31
-
- İqtisadiyyat
- 23 İyul 2012 14:39
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz