Meriya zabitlərə cavab verməkdən yayınır
Bakı Şəhər İcra Hakimiyyəti martın 9-da Ədliyyə Nazirliyinin və müdafiə naziri Səfər Əbiyevin evinin qarşısında razılaşdırılmış piketin keçirilməsi ilə bağlı “Ehtiyatda olan Zabitlər Birliyi” QHT-nin xəbərdarlığına cavab verməyib. Aksiya hərbi qulluqçuların hüquqlarının bərpası barədə məhkəmə qərarlarının icra olunmamasına etiraz olaraq keçirilməli idi.
Aksiya saat 15:00-da Ədliyyə Nazirliyinin, saat 17:00-da isə S.Əbiyevin evinin qarşısına planlaşdırılmışdı.
“Ehtiyatda olan Zabitlər Birliyi” QHT-nin rəhbəri Yaşar Cəfərli bildirib ki, martın 8-i axşama qədər meriya cavab verməyib. Onun sözlərinə görə, əgər şənbə günü meriyadan müsbət cavab alınmasa, aksiya baş tutmayacaq.
“Razılaşdırılmamış aksiyanı keçirməyəcəyik. Biz qanunsuz hərəkətlərin əleyhinəyik. Çünki qanunsuzluqla mübarizə apararkən özümüz qanunu poza bilmərik”, - o vurğulayıb.
Eyni zamanda onun sözlrinə görə, əgər meriya cavab verməsə və ya aksiyaya icazə verməsə, QHT Şəhər İcra Hakimiyyətini məhkəməyə verəcək. Bununla yanaşı piketlərin keçirilməsi ilə bağlı yeni müraciətlər olacaq.
“Biz hərbçilərin hüquqlarının bərpası uğrunda mübarizəni dayandırmayacağıq”, - Y.Cəfərli vurğulayıb.
QHT Müdafiə Nazirliyinin 17 məhkəmə qərarının, o cümlədən istifadə edilməmiş məzuniyyətə görə zabitlərə kompensasiyaların və cəbhəyanı zonada xidmətə görə əlavə haqqın ödənilməsi üzrə 13 məhkəmə qərarının yerinə yetirilməsinə nail olmağa çalışır.—06B—
-
- Siyasət
- 9 Mart 2013 12:13
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz