![Müsavat Partiyası məhkəmə qərarını siyasi sifariş adlandırır](https://turan.az/resized/media/2014/main/050700077903-750-500-resize.webp)
Müsavat Partiyası məhkəmə qərarını siyasi sifariş adlandırır
Müsavat Partiyası NİDAçı gənclərə uzunmüddətli həbs qərarının çıxarılmasını və bu qərara etiraz olaraq məhkəmə önünə toplaşan insanların aksiyasına polis müdaxiləsini pisləyən bəyanat yayıb.
Sənəddə təqsirləndirilən şəxslərin vəkillərinin vəsatətlərinin çoxunun qəbul olunmamasına, işgəncə faktlarının olmasına baxmayaraq, məhkəmə istintaqı mərhələsində bu faktların araışdırılmaması xüsusi vurğulanır. Öyrədilərək gənclərin üzünə duran “şahid”lərin ifadələrindəki ziddiyyətlərin belə araşıdırlmaması diqqət mərkəzinə gətirilir. Həm də ittihamın tələb etdiyi cəza hökmünün çıxarılması ölkə məhkəmələrinin siyasi sifariş əsasında fəaliyyət göstərməsinin göstəricisi kimi dəyərləndirilir.
Məhkəmənin gənclərin uzunmüddətli həbs qərarına etiraz olaraq məhkəmə önünə toplaşan insanların etiraz etdiyi və bu aksiyaya polis və mülki geyimli şəxslərin müdaxilə etdiyi qeyd olunur. Müəlliflər polisin aksiyaya müdaxiləsini “amansız və qeyri-adekvat” kimi dəyərləndirirlər. Aksiyaya müdaxilə edən polisin Müsavat, Xalq Cəbhəsi partiyaları və digər qurumların 30-a qədər üzvünü xüsusi amansızlıqla saxlamasını nəzərə çatdırır.
Son olaraq müəlliflər məhkəmə qərarını siyasi sifariş sayaraq bunun əsasında gənclərin həbsə salınmasını pisləyir, həm barələrində həbs qərarı olan NİDAçı gənclərin, həm də bu qərara etiraz edən şəxlsərin buraxılmasını tələb edirlər.
2013-cü il martında “NİDA” Vətəndaş Hərəkatının bir qrup üzvünə əsassız ittihamlarla cinayət işi qaldırılıb, 2014-cü il mayın 6-da başa çatan məhkəmə proseisində ittiham edilən Rəşadət Axundova 8 il, Zaur Qurbanlıya 8 il, İlkin Rüstəmzadəyə 8 il, Rəşad Həsənova 7 il 6 ay, Məhəmməd Əzizova 7 il 6 ay, Üzeyir Məmmədliyə 7 il, Bəxtiyar Quliyevə 7 il, Şahin Novruzluya 6 il müddətinə azadlıqdan məhrumetmə cəzası elan olunub.-05D-
-
- İqtisadiyyat
- 7 May 2014 14:05
-
- İqtisadiyyat
- 7 May 2014 14:42
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz