Nazirlər Kabineti qrantların qeydiyyatı qaydasını təsdi bu edib

Azərbaycan Nazirlər Kabineti 21 oktyabr 2015-ci il tarixli 337 nömrəli "Qeyri-hökumət təşkilatları, habelə xarici dövlətlərin qeyri-hökumət təşkilatlarının filial və ya nümayəndəlikləri tərəfindən xarici maliyyə mənbələri hesabına xidmətlərin göstərilməsi və ya işlərin görülməsi haqqında müqavilələrin qeydiyyata alınması Qaydası"nı təsdiq edib.

Sənədin mətni noyabrın 20-də rəsmi mətbuatda dərc olunub.

http://www.azerbaijan-news.az/index.php?mod=3&id=83779

Qaydaya əsasən, qrant haqqında müqavilə bağlandığı tarixdən etibarən ən gec 15 gün ərzində qeydiyyat üçün Ədliyyə Nazirliyinə təqdim edilməlidir.

Müqavilə və ya qeydiyyatdan keçirilmiş müqavilə olmadığı təqdirdə hər-hansı bank əməliyyatları və ya başqa əməliyyatlar həyata keçirilə bilməz. Qrantın qeydiyyata alınması və ya alınmaması haqqında qərar Ədliyyə Nazirliyi tərəfindən 15 gün ərzində həyata keçirilir. Zərurət olarsa, bu müddət 15 gün uzadıla bilər.

Qeydiyyatdan imtina müqavilənin qanunvericilik tələblərinə cavab vermədiyi və bu pozuntular müvafiq müddətdə aradan qaldırılmadığı hallarda ola bilər.

Qaydalar 2014-cü ildə xarici donorlar tərəfindən ayrılan qrantlara nəzarətin sərtləşdirilməsi məqsədilə qanunvericiliyə edilmiş dəyişikliklərə uyğun olaraq qəbul olunub. -0-