Qarabağ separatçıları ATƏT MQ-nin amerikalı həmsədrinin ideyalarını təkzib edir
Dağlıq Qarabağın “XİN”i bəyanatla çıxış edərək, münaqişənin tənzimlənməsi üzrə ATƏT MQ-nin amerikalı həmsədri Ceyms Uorlikin dünən təklif etdiyi ideyaları təkzib edib.
“Qeyd etmək istəyirik ki, DQR-in Azərbaycan-Qarabağ münaqişəsinin tənzimlənməsi perspektivləri ilə bağlı mövqeyi dəyişməz olaraq qalır. Keçmişə qayıtmaq haqqında söhbət belə gedə bilməz. Dağlıq Qarabağın taleyi 1991-ci ildə müstəqillik haqqında referendumda onun xalqının azad və legitim şəkildə iradəsini bildirməsi yolu ilə müəyyən edilib. DQR-in müstəqilliyi və təhlükəsizliyi hər-hansı hərrac mövzusu olmayan müstəsna dəyərlərdir. Güman edirik ki, ATƏT Minsk Qrupu həmsədrlərinin birgə səyləri mövcud reallıqları nəzərə allan tənzimlənmə mexanizmlərinin işlənib hazırlanmasında cəmləşdirilməlidir”, deyə bəyanatda bildirilir.
Ermənistanın müdafiə naziri Seyran Ohanyan da buna bənzər fikir bildirərək, Ermənistanın torpağın hər bir qarışı üçün mübarizə aparacağını və heç nə qaytarmağa hazırlaşmadığı bəyan edib.
Xatırladaq ki, Uorlikin dünən səsləndirdiyi 6 tənzimlənmə elementi mərhələli tənzimlənmə nəzərdə tutur, əvvəlcə Qarabağ ətrafında yeddi rayon qaytarılır, Qarabağ özü isə yekun tənzimlənməyə qədər müvəqqəti status alır. Eyni zamanda, azərbaycanlı qaçqınlar işğal edilmiş ərazilərə qayıdır. -02D-
-
- İqtisadiyyat
- 8 May 2014 16:57
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz