Bakı/24.10.18/Turan: Yerevanda yenə Azərbaycanın KTMT-yə qəbul edilməsi ehtimalını təkzib edərək, belə bir təklifə veto qoymaq niyyətində olduqlarını təsdiq ediblər.
Amma Azərbaycanda dövlət məmurları artıq ölənin KTMT-yə daxil olması ehtimalı haqqında danışmırlar, baxmayaraq ki, əvvəllər xarici işlər naziri Elmar Məmmədyarov, aydındır ki, Qarabağ nizamlanmasını nəzərdə tutaraq, ölkəmiz üçün əlverişli şərait olarsa, belə bir ehtimala yer verirdi. Amma jurnalistlərlə son görüşündə ölkənin KTMT-yə daxil olması haqqında suala cavabdan yayınıb.
Bununla belə, Azərbaycanın keçmiş xarici işlər naziri Tofiq Zülfüqarov rəsmi şəxslərin susqunluğunu Bakının Rusiyayönlü hərbi təşkilata (KTMT) daxil olmaq marağının olmamasının dəlili hesab edir.
İşğal edilmiş ərazilərin qaytarılmasının "Rusiya layihəsi" mövcuddursa, KTMT-yə üzvlük haqqında müzakirələr bu ideyanın reallığının göstəricisi deyil və ya belə bir ideya yoxdur. Belə bir layihə yalnız gizli ola bilər, deməli, hansısa açıq siyasi markerlərdən məhrum olmalıdır, deyə Zülfüqarov öz Facebook səhifəsində yazıb.
Müzakirəni davam etdirən Moskvalı politoloq Gevorq Mirzoyan hesab edir ki, Azərbaycanın KTMT-yə üzvlüyü "aktual deyil", belə ki, Bakı Qarabağ məsələsinin həlli müqabilində Avrasiya inteqrasiyası ideyasından istifadə edə bilməyib.
Rusiya Elmər Akademiyasının İqtisadiyyat İnstitutunun elmi işçisi Aleksandr Karavayev də Azərbaycanın Rusiyayönlü təşkilata üzvlüyünü Qarabağ münaqişəsi ilə əlaqələndirməyi lazımsız hesab edir. Azərbaycan önəmlidir, amma Vyetnam, İran, Misir... qədər deyil, deyə Karavayev bildirib.
Yerli müxalif siyasi partiyalar da Azərbaycanın KTMT-yə üzvlüyünə kəskin şəkildə qarşı çıxırlar, ölkənin suverenliyini itirəcəyini, ikincisi isə, Qarabağ probleminin Bakının istədiyi kimi həll edilməyəcəyini bildirirlər.
Siyasi partiyalar xatırladıblar ki, vaxtilə Azərbaycan Qarabağ məsələsində Rusiyanın mövqeyinin dəyişməsinə ümid edərək, MDB-yə daxil olub. Amma bu, baş verməyib.
"Kollektiv Təhlükəsizlik Müqaviləsi Təşkilatı (KTMT) 1992-ci il mayın 15-də imzalanmış Kollektiv Təhlükəsizlik Müqaviləsi əsasında keçmiş sovet respublikalarının yaratdığı hərbi-siyasi ittifaqdır. KTMT üzvləri Rusiya, Belarus, Ermənistan, Qazaxıstan, Qırğızıstandır. 1993-cü ildə KTMT-yə Azərbaycan, Gürcüstan və Belarus qoşulub. Sonradan Azərbaycan, Gürcüstan və Özbəkistan təşkilatın sıralarını tərk edib. -0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz