![Terror hücumuna məruz qalan səfirlikdə xidməti yoxlama aparılacaq - Tofiq Zülfüqarov](https://turan.az/resized/media/2023/main/012800057384-750-500-resize.webp)
Bakı/28.01.23/Turan: Yanvarın 27-də Azərbaycanın İrandakı səfirliyinin təhlükəsizlik xidmətinin əməkdaşı, baş leytenant Orxan Əsgərov öz döyüş postunda Azərbaycanlı diplomatların və onların ailələrinin həyatını müdafiə edərkən həlak olub. Onun iki həmkarı yaralanıb. Azərbaycanlılar terror aktı yerindən üç videogörüntüyə baxıblar və sual verirlər: terrorçu Yasin Hüseynzadə səfirlik binasına belə asanlıqla necə daxil ola və işçilərə atəş aça bilib? Mühafizə əməkdaşı Vasif Tağıyevin qəhrəmanlığı olmasaydı, cinayətkar daha da irəli gedər, yuxarı mərtəbələrə çıxardı, qurbanların sayı daha çox ola bilərdi.
Keçmiş xarici işlər naziri və diplomatik missiya rəhbəri Tofiq Zülfüqarov Turan-a bildirib ki, Azərbaycanın Tehrandakı səfirliyində xidməti yoxlama aparılacaq, onun yekunlarına görə mühafizə xidməti haqqında qərar çıxarılacaq.
"Azərbaycan səfirliyində yaralanan və həlak olan mühafizə xidmətinin bütün əməkdaşları XİN əməkdaşı deyil, onlar müxtəlif, bir neçə dövlət idarəsində xidmət göstərirlər, buna görə də mən bir diplomat olaraq onların işinə peşəkar qiymət verə bilmirəm.
Deyə bilərəm ki, səfirliklərin mühafizzə sisteminin vahid dünya standartı mövcud deyil. Hər bir ölkənin XİN-i öz metodlarını tətbiq edir, onlar, Aİ-dəki kimi bir neçə ölkə üçün vahid ola bilər və ya ayrıca ölkədə müəyyən oluna bilər. Eyni zamanda, diplomatik missiyanın yerləşdiyi dövlətdən çox şey asılıdır. Bu mənada Azərbaycanın İrandakı səfirliyi ən təhlükəli xidmət yerei deyil, bizim Pakistanda, Əfqanıstanda, Misirdə diplomatlarımız var, bu ölkələrdə ayrı-ayrı inqilab dövrlərində əməkdaşların təhlükəsizliyi səviyyəsini qaldırmaq lazım gəlib. Təhlükəsizlik qaydaları daim dəyişik, yerli şərtlərə, digər ölkələrlə məlumat mübadiləsinə və beynəlxalq təcrübəyə əsasən təkmilləşdirilir".
T.Zülfüqarovun sözlərinə görə, diplomatik nümayəndəliyin müdafiəsi metodları, təhlükəsizlik zolaqlarının sayı, otaqların konfiqurasiyası və mühafizəçilərin silahlı olub-olmaması rəhbərlik tərəfindən yerində, bu ölkədə təhlükə ehtimalından asılı olaraq müəyyən edilir. Əməkdaşlar silahsız, döyüş silahı və ya öldürücü olmayan silahla silahlanmış ola bilərlər.
"Hazırda şəbəkədə yerləşdirilmiş videokadrlar əsasında həvəskar rəyləri dərc olunur. Hadisə yerində olmadan, əyani şəkildə ətraflı yoxlama aparmadan qiymət vermək olmaz. Səfirliklər müxtəlif materiallardan olan qapılarla, müxtəlif avtomatik qurğularla təchiz edilə bilər, diplomatik nümayəndəliyə iki ayrı giriş olur. Çox şey təmsilçilik binasının ölkəmizə məxsus olmasından, ya icarə olunmasından asılıdır. Etibarlı mühafizə sistemi bahadır. Bütün bunlar, əminəm, səlahiyyətli orqanlar tərəfindən müzakirə olunacaq", deyə diplomat qeyd edib.
O hesab edir ki, qapı və turniketlərdən başqa, xaricdə işləyən diplomatların və onların ailə üzvlərinin təhlükəsizliyinin təmin edilməsində diplomatik nümayəndəlik və yerli təhlükəsizlik xidməti arasında informasiya kommunikasiya sistemi böyük əhəmiyyət kəsb edir.
"Avropa İttifaqı ölkələrində səfirliklərdə xüsusi polis bölməsinə təhlükə haqqında siqnal göndərən "qırmızı düymə" var, bu polis bölməsi ilk siqnalda təcili olaraq hadisə yerinə gəlir. Səfirliklər yerli orqanlara səfirlik yaxınlığında hazırlanan və ya başlayan kütləvi hadisə, məsələn, etiraz aksiyası haqqında məlumat verir. Və bu zaman yerli hakimiyyət əlavə təhlükəsizlik tədbirləri görür. Diplomatik nümayəndəliklərin yerləşdiyi bölgədə polis qüvvələri patrul çəkir".
Tofiq Zülfüqarov terror aktının əvvəlindən sonuna qədər budkasından belə çıxmayan Tehran polisinin və yerli mühafizəçinin açıq-aşkar hərəkətsizliyini pisləyən Azərbaycan ictimaiyyəti ilə həmrəydir.
Həmsöhbətimizdə olan məlumata görə, yaralanan və həlak olan əməkdaşlar hərbi qulluqçu olaraq dövlət tərəfindən sığortalanıb. Yaralananlar və mərhumun ailəsi sığorta ödənişi alacaq.
"Azərbaycanlı əməkdaş Orxan Əsgərov qəhrəmanlıq edib, xarici diplomatlar onun cəsur davranışdan bəhs ediblər. Düşünürəm ki, Əsgərovun adı Azərbaycan XİN-in binasındakı yaddaş lövhəsində dövlət maraqlarını müdafiə edərkən həlak olan digər diplomatlarımız və əməkdaşlarımızla birlikdə əbədiləşdiriləcək. Allah rəhmət eləsin", deyə T.Zülfüqarov.
Azərbaycan XİN-in mətbuat xidmətinin rəhbəri Ayxan Hacızadə Turan-a bildirib ki, səfirliyin avtomatdan açılan atəş nəticəsində yaralanan iki mühafizəçisinin vəziyyəti qənaətbəxşdir. Amma o, yaralanma növləri haqqında suala cavab verməyib.
"Tehranda şəhid edilən səfirliyin mühafizə xidmətinin rəisinin ailəsinə imtiyazlar və təzminatlar haqqında danışmaq hələ tezdri", deyə diplomat bildirib. O, həmçinin iki azyaşlı övladı olan ailə başçısı Orxan Əsgərovun ölümündən sonra ailəni dolandıran olub-olmadığı haqqında suala da cavab verməyib. 0
Rəy yaz