Bakı/08.12.17/Turan: REAL Hərəkatının lideri İlqar Məmmədovun müdafiə tərəfi onun azadlığa buraxılması yolları ilə bağlı konstruktiv danışıqlara hazırdır. Anvaq İ. Məmmədov özü şərti azadlığa buraxılma barədə müraciət yazmayacaq. Bu haqda vəkil Fuad Ağayev Facebook səhifəsində yazıb.
O, Azərbaycan prezidentinin xarici siyasət üzrə köməkçisi Novruz Məmmədovun bəyanatına münasibətini bildirərkən belə deyib. N. Məmmədov bildirib: "Qanunvericiliyə edilən dəyişikliklərə əsasən dekabrın 1-dən İ.Məmmədov cəzasının 2/3 hissəsini çəkdiyinə görə şərti azadlığa buraxılması üçün məhkəməyə müraciət etmək hüququna malikdir. Bununla yanaşı Azərbaycan tərəfi məsələnin başqa həll yollarının axtarılması üçün konstruktiv danışıqlara hazırdır".
F.Ağayev yazır ki, əvvəla, qanunvericiliyə düzəlişlərə əsasən ağır cinayət törətdiklərinə görə mühakimə olunanlar cəzasının ən azı üçdə bir hissəsini çəkdiyinə görə dekabrın 1-dən şərti olaraq vaxtından əvvəl azadlığa buraxıla bilər.
İ.Məmmədov heç bir əsas olmadan ona verilən cəzanın üçdə iki hissəsini çəkib. Ancaq o, şərti olaraq azadlığa buraxılmaq üçün müraciət etmək niyyətində deyil.
"Bunu başqa cür yozmaq istəyənlərə izah edirəm ki, İlqar Məmmədovun 4 il 10 ay həbsdə saxlanmasının səbəbi hökumətdir. Bu fakt Avropa İnsan Hüquqları Məhkəməsinin iki qərarında, Avropa Şurası Nazirlər Komitəsinin çoxsaylı qərarlarında və qətnamələrində təsdiqini tapıb. Odur ki, məhz hakimiyyət bu problemi həll etməlidir", - F.Ağayev yazıb.
Məsələnin həllilə bağlı başqa yolların axtarılmasına dair konstruktiv danışıqlar barədə N.Məmmədovun sözlərinə gəlincə, F.Ağayev yazır: "Biz belə danışıqlara hazırıq".
Xatırladaq ki, dekabrın 5-də Avropa Şurası Nazirlər Komitəsi REAL Hərəkatının lideri İlqar Məmmədovun şərtsiz azad edilməsi çağırışına riayət etmədiyinə görə Azərbaycana qarşı prosedura başlayıb.
AİHM İ.Məmmədovun qanunsuz hərəkətlərə bağlılığını müəyyən etməyib və qərara alıb ki, o, hakimiyyəti tənqid etdiyinə görə cəzalandırılıb.06D--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz