“Yeni Azərbaycan” Partiyasında struktur dəyişiklikləri nə ilə şərtlənib?

Bakı/05.03.21/Turan: Hakim “Yeni Azərbaycan” Partiyasının bu gün keçirilən növbədənkənar VII qurultayında bir sıra keçmiş məmur - prezidentin ictimai-siyasi məsələlər üzrə keçmiş köməkçisi Əli Həsənov, Bakı Şəhər İcra Hakimiyyətinin keçmiş başçısı Hacıbala Abutalıbov, Qaçqınların İşləri üzrə Dövlət Komitəsinin keçmiş sədri və keçmiş baş nazir müavini Əli Həsənov, Prezident Administrasiyasının keçmiş rəhbəri, hazırda Elmlər Akademiyasının prezidenti olan Ramiz Mehdiyev, icraçı katibin keçmiş müavini, deputat Siyavuş Novruzov təşkilatın İdarə Heyətindən çıxarılıb.

Partiyanın Siyasi Şurası ümumiyyətlə ləğv edilib. İndiyə qədər Siyasi Şuraya və İdarə Heyətinə daxil olan bəzi keçmiş məmurlar yeni quruma – Veteranlar Şurasına daxil olublar.

Partiyada struktur və kadr dəyişikliklərinin səbəbi nədir? Partiyanın İdarə Heyətinin üzvü, deputat Eldar İbrahimov dəyişiklikləri “çox mühüm” adlandırıb və qəbul edilmiş qərarları “yüksək” qiymətləndirib.

“Partiya daim yenilənir. 40 nəfərlik İdarə Heyətinin, 35 üzvdən ibarət Veteranlar Şurasının, 13 nəfərdən ibarət Nəzarət-Təftiş Komissiyasının seçilməsi çox mühüm addımlardır. Bununla da partiyanın yenilənməsi üçün şərait yaradılıb”, deyə İbrahimov bildirib.

İctimai fəal Bəxtiyar Hacıyev “Yeni Azərbaycan” Partiyasında çoxdan dəyişikliklərin vaxtının çatdığını hesab edir. “Partiya, demək olar ki, heç bir funksiyanı yerinə yetirə bilmir və cəmiyyətdə rol oynaya bilmir. Üstəlik, nüfuzunu xeyli itirib”, deyə Hacıyev qeyd edib.

Amma qurultayın əsl məqsədi partiyanın nüfuzunu artırmaq deyil, bir sıra mənfur şəxslərdən qurtulmaq idi. “Hesab edirəm ki, bunu bu şəxslərin əlində olan resursları neytrallaşdırmaq, onların siyasi partiyalara təsirini məhdudlaşdırmaq üçün ediblər”, deyə Hacıyev bildirib.

Ona görə də yeni parlament seçkilərin keçirilməsi köhnə komandaya məxsus şəxslər tam olaraq neytrallaşdırılmasından sonra keçirilə bilər».   -06D-