Azərbaycan Prezidenti Administrasiyası
Azərbaycan Respublikasının Prezidenti
Cənab İlham Əliyevə
Artıq dörd ildir ki, qardaşım Cahangir Hacıyevin istintaqı və məhkəmə prosesi gedir. Hazırda Apellyasiya Məhkəməsində beşinci məhkəmə iclası keçirilir. Dörd ildir ki, qardaşım və onun vəkilləri istintaq və məhkəmə instansiyalarndan heç olmasa bir mənimsəmə faktını təqdim etməyi xahiş edirlər. Və bu illər ərzində nə istintaq orqanları, nə də beş məhkəmə instansiyası qardaşım Cahangir Hacıyevin günahkar olmasına dair heç bir sübut təqdim etməyib, çünki, sadəcə, mənimsəmə faktları yoxdur. Bu iş üzrə keçən yüzlərlə şahid Cahangirin vəsait mənimsəməsi ilə bağlı ifadə verməyib.
Və bu müddətdə hər şey “Aqrarkredit” tərəfindən saxtalaşdırılmış hərəkətlər fonunda baş verib, qurum rəhbərliyi şəxsi zənginləşdirmə ilə məşğuldur və buna dair çoxsaylı faktlar var. Hazırda Cahangirin yeganə yaşayış yerini müsadirə edirlər ki, bu da ölkə konstitusiyasına tamamilə ziddir.
Hörmətli, cənab prezident! Sizin fərmanınız ilə 179.3.1, 179.3.2 və 308.2 maddələrinə dəyişiklik edilib.
Həmin maddələrlə mühakimə edilmiş şəxslərin cəzası 2017-ci ildə azaldılmışdı. Amma Cahangir Hacıyevin barəsində bu, mümkün deyil, çünki Ədliyyə Nazirliyi buna qarşıdır. Həmçinin bir il yarımdır ki, Ədliyyə Nazirliyi Cahangirlə telefon danışıqlarını qadağan edib, hətta övladları ilə danışa bilmir. Onları 5 ildir ki, görmür. Diqqətinizə çatdırmaq istəyirəm ki, dörd ildir ki, mən, Əminə Hacıyeva 2015-ci ildə vəfat etmiş anamın mülkiyyətilə bağlı vərəsəlik hüququ əldə edə bilmirəm.
Bütün məhkəmələr və TİB əmrin şifahi olaraq Ədliyyə Nazirliyinin rəhbərliyi tərəfindən verildiyinə açıq şəkildə işarə edirlər.
Cənab prezident! Sizdən kömək və müdafiənizi xahiş edirəm. Xahiş edirəm ki, Cahangir Hacıyevin işinin ədalətli şəkildə araşdırılmasına göstəriş verəsiniz.
Sizin ədalətli qərarınıza səmimiyyətlə inanıram.
Dərin hörmətlə,
Əminə Hacıyeva
Söz istəyirəm
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
-
Yanvarın 7-də prezident İlham Əliyevin yerli telekanallarla mətbuat konfransında Real TV-nin nümayəndəsi belə bir sual verdi: "Trampı bizimlə bir gəmidə görürsünüz..."
-
Çıxışıma təşəkkürlərlə başlamaq istəyirəm. Həyatımın hər mərhələsində yanımda olan ailəmə, yaxın qohumlarıma, dostlarıma təşəkkür edirəm. Şərlənərək həbs edildiyimə görə fiziki olaraq azadlıqdan məhrum edilsəm də, ilk andan bu günə qədər bütün maddi-mənəvi çətinliklərə baxmayaraq, onların yanımda olmasının nə qədər dəyərli olduğunu sözlərlə ifadə etmək mümkün deyil.
Rəy yaz