Bakı/25.04.18/Turan: Ermənistanda Serj Sarkisyanın baş nazir vəzifəsindən istefasından sonra yaranmış nisbi sakitlik yeni gərginlik dalğası ilə əvəz edilib. Səbəb nümayişçilərin lideri Nikol Paşinyanın hakim Respublika Partiyası ilə güzəştdən imtina etməsi və "hakimiyyətin tamamilə xalqa verilməsi" tələbidir. Məhz bu tələb Paşinyanın baş nazir səlahiyyətlərini icra edən Karapetyanla danışıqlarının pozulmasına və çoxsaylı nümayişlərin bərpasına səbəb olub.
Hakimiyyətin reaksiyasından göründüyü kimi, onlar da təslim olmaq niyyətində deyil. Ayın 25-də səhər Yerevanın küçələrinə zirehli texnika, xüsusi təyinatlı polis dəstələri, daxili qoşunlar çıxarılıb. Onlar nümayişçilərin dövlət müəssisələrini mühasirəyə almasına imkan verməməyə çalışırlar.
Amma etirazçıların qətiyyəti onları yalnız güclə dayandırmağın mümkün olduğunu göstərir, bu da qan axıdılması və sabitliyin tamamilə pozulması deməkdir.
Serj Sarkisyanın gedişindən sonra hakimiyyət bu addımı ata bilərmi, bu məsuliyyəti kim öz üzərinə götürəcək? Bu, əsas məsələdir və istisna edilmir.
Güc qurumlarının işçiləri məsuliyyəti öz üzərinə götürə və ölkədə hərbi və ya fövqəladə hal tətbiq edə və siyasi partiyaları buraxa bilər. Onları buna mitinq edənlərin Respublika Partiyasının bütün rəhbərliyini, güc nazirlərini, Milli Bankın sədrini həbs etmək və ölkədən pul vəsaiti çıxarılmasına yol verməmək çağırışları sövq edə bilər.
Xüsusən, etiraz hərəkatının fəallarından biri Paşinyana bu tələblərlə müraciət edib, əks halda Ermənistanı fəlakət gözlədiyini iddia edib.
Vəziyyət necə olursa olsun, Ermənistan siyasi, iqtisadi və hərbi cəhətdən ciddi şəkildə zəifləyəcək.
Qarabağlıların təqibinin başlaması, onların ölkədən qovulması, əmlakının, biznesinin əllərindən alınması ilə əlaqədar da Ermənistan cəmiyyətində təbəqələşmə güclənəcək.
Əhalinin narazılıq dərəcəsini və korrupsiyanın səviyyəsini nəzərə alaraq, Ermənistanda bunun əksinin - hakimiyyətin dinc və sakit şəkildə təhvil verilməsinin baş verəcəyini gözləməyə dəyməz.
Kütlələrin marginallaşması, etirazların lümpenləşmiş kütlələrin əlinə keçməsi kimi bir amil də var. Bu qüvvələr yalnız sabitliyin pozulmasına səbəb ola bilər.
Vəziyyətin necə olacağı yaxın günlərdə aydın olacaq. İstənilən halda, Azərbaycan üçün bu, yaxşı siqnaldır, çünki əsas düşmən xeyli zəifləyəcək. -02B-
Söz istəyirəm
-
Aleksandr Nevzorov Kadırovun adamlarının cinayəti haqqında
-
25 dekabr 2024-cü il tarixində bütün dünyanı sarsıdan faciə baş verib. "Azərbaycan Hava Yolları"nın "Bakı-Qroznı" marşrutu ilə reys həyata keçirən təyyarəsi Qazaxıstanın Aktau şəhəri yaxınlığında qəzaya uğrayıb. Embraer E190 təyyarəsində 67 nəfər olub, ekipaj üzvlərinin peşəkarlığı sayəsində onlardan 2-si uşaq olmaqla, 29 nəfər sağ qalıb.
-
Bakı - Qroznı təyyarəsinin "qəzayə" uğraması ilə bağlı buğun matəm elan edilib. 38 nəfər həyatını itirib. Ağır vəziyyətdə olanlar var, itkilərin sayı arta bilər. Böyük faciədir. Həyatını itirənlərin yaxınlarına baş sağlığı verir, xəsarət alanlara, yaralılara şəfa diləyirik.
-
Əziz Zərifə, bu gün evliliyimizin 30 illiyidir. Sən evimizdə, mən-həbsxanadayam. Vaxtında sənin “Dur! daha yazma!” tələbinə qulaq assaydım, indi yubileyimizi, əhd etdiyim kimi, ilk dəfə qohum-qardaş arasında təmtəraqla qeyd edirdik. Amma mən azad jurnalist kredoma xəyanət etmədim, təhlükəyə baxmayaraq, iti qələmimi yerə qoymadım. Odur ki, bir ildir isti ocağımdan, səndən, candan şirin övladlarımızdan ayrı düşmüşəm.
Rəy yaz