Qonaq qapıdan qaytarılmaz, qardaşa qapı bağlanmaz.

 

Güney Azərbaycan türklərinin milli-azadlıq mübarizəsinin lideri doktor Mahmudəli bəy Çöhrəqanlı bu il noyabrın 4-də Türkiyəyə buraxılmadı. Türkiyənin parlament partiyalarından biri olan Milli Hərəkat partiyasının qurultayında iştirak etmək üçün dəvətlə gələn Mahmudəli bəy geri qaytarıldı. Hətta doktoru qarşılamaq üçün hava limanına gedən 14 MHP-li millət vəkili belə bu haqsızlıq və ədalətsiziliyin qarşısını ala bilmədi. Ərdoğan hökuməti qonşusu olan farsın sözünü qardaşı olan türkün sözündən üstün tutdu.
 
Qonşu qardaşdan iərli?
 
Türkiyə hökuməti ilk hökumət oldu ki, Güney Azərbaycan liderini ikinci dəfə ölkəsinə buraxmadı. Türkiyəni qana boyayan PKK terrorçuları, Bərzanilər, Talebanilər Türkiyəyə gələ bilər, “Türkiyə “erməni soyqırımi” etdi” deyən ermənilər Türkiyədə yaşaya bilər, amma əsarətdə olan 35 milyon türkün azadlıq mübarizəsini aparan, türk sevdalısı olan türk lideri Türkiyəyə gələ bilməz. Təbrizlilərin sözü ilə desək “kasa aşdan isti çıxıb ki”. 
Ərdoğan hökumətinin təbirincə qonşunun sözü ilə qapını qan qardaşının üzünə bağlaya bilərsən, qapına gələn qonağı qapından qova bilərsən. Bu əcaib, heç nəyə lazım olmayan məntiqlə Türkiyə nələrə sahib olmaq istəyir, onu anlaya bilmirik.
Yenə də Ərdoğan hökumətinin məntiqilə qonşu məsləhəti qardaş dəstəyindən öndə gəlir. Amma anladığımız bi şey var, bu hörmətsizlik təkcə Cöhrəqanlıya yox, bütün Azərbaycan türklərinə olundu. Bu həqarətdir, bu həqarətin bədəlini Ərdoğan hökuməti nə vaxtsa ödəyəcək.
 
Dad yarımçıq əlindən
 
Türkiyədəki yarı dini, yarı dünyəvi, bir sözlə natamam hökumətin yadına salır, xatırladır və xəbərdar edirik ki, aşağıdakıları unutmasınlar: Türkiyənin “erməni soyqırımı” probleminin əlehyinə Türkiyə ilə birgə farslar, ərəblər yox, məhz və yalnız Azərbaycan türkləri ayağa qalxırlar. Qardaşlıq missiyası yerinə yetirirlər. Allah xətrinə, bunu başa qaxınc kimi anlamayın. Amma, insanı içindən çölünə kimi yandıran bir addım atılanda, bir milli mücahidə layiq olduğu qiymət verilməyəndə nə edəsən?  Əgər qardaş da səni satırsa, sənə arxa çevirisə, kimə güvənəsən? 
 
Xəyanətkardan sədaqət umulmaz
 
İran adına dövlətin 1993-cü ildə Əbüləfz Elçibəy hakimiyyətini devirmək aktında oynadığı rol yadımızdan çıxmayıb. İranın Qarabağ məsələsində sözdə Azərbaycanın, əməldə Ermənistanın yanında olması unudulmayıb. Ermənistanın yaşamasına İran qədər çalışan ikinci dövlət ancaq Rusiyadır. Yoxsa, Türkiyə daim türkə xəyanət edən, nitrət bəsləyən, istismar və işgəncədə saxlayan İrandan özünə sədaqət umur? Bu olmayacaq. Günlərin bir günü biz Azərbaycan türklərinə edilən xəyanət Türkiyəni də yaxalayacaq. 
Yenə də yadınızda saxlayın. Osmanlı imperiyası peyğəmbərə xatir ərəbin dirçəlməsinə etdiyi xidməti türkə etmədi. Bu gün ərəb dünyası Osmanlı imperiyasının ərəbə xidməti olan maddi-tarixi abidələri dağıdır, türk xidmətinin izlərini göz, söz tarixindən və tarixdən silir. Yenə də sizə çatmır ki, “türkün türkdən başqa dostu yoxdur?” 
 
İranın sifarişi
 
Biz M.Çöhrəqanlının Türkiyəyə buraxılmamasını, Türkiyənin İran önündə qorxusu kimi qəbul edirik. Buna siyasət, nə bilim qarşılıqlı maraqlar bucağından baxmaqdan uzağıq. Bu siyasət deyi, bu siyasi sifarişi yerinə yetirməkdir. Türkiyə İranın sifarişini yerinə yetirdi. Bu ən pisi. Bu ən pisidir ki, içi xəyanətlə dolu olan qonşunun sözü ilə sənə canıyla, qanıyla doğma və yanan qardaş qapından qovuldu, səni qucaqlaya bilmədi, sənə “səni sevirəm” sözünü deyə bilmədi. Türkiyə hökuməti biz Azərbaycan türklərinə belə bir amanszılıq yaşatdı. 
 
Mənfiyə dəyişən Türkiyə 
 
Deməli, Türkiyə dəyişib, türk dəyərləri dəyişib. Bu artıq Atatürkün Türkiyəsi deyil. “Nə mutlu türkəm deyənə” şüarının vətəni yoxa çıxıb. Yoxsa, farsın sözü ilə türkü türk vətənindən kim çıxarmağa cəsarət edə bilərdi? Təkcə bu addımla Türkiyə farslara bayram yaşatdı, türk liderini türkün vətənindən qovdura bildi.
 
Etimad sarsılır, etibar ayaq altına salınır, güvənc şübhəyə, inamsızlığa dönür. 
Beləcə, soyuqluq başlanır. Deyəsən, Türkiyə hökuməti bütün varlığı ilə buna çalışır.  
 
Azərbaycan iqtidarına çağırış
 
Doktor Çöhrəqanlının Azərbaycana səfəri gözlənilir. Rəsmi Bakı 2006-cı ildə GAMOH liderini deportasiya etdiyini yadında saxlayaraq, təkrar səhvə və yanlışa yol verməsin. Türkiyənin İran önündə göstərdiyi cəsarətsizliyi, qorxaqlığı  göstərməsin. 
 
Salam olsun İrana qorxu yaşadan kişi!
 
Salam olsun sənə, Böyük Mücahid. Etibarsızlığa “bir gün mən geri qayıdacağam” təpəri göstərən kişi! Millətə sevgisini, xidmətini əsirgəməyən kişi! Salam olsun sənə, bu sayğısızlıq önündə sınmyan kişi! Gözlə qaş arasında baş verənləri ayıra bilən airf! Salam olsun sənə, tək vücudu ilə İran kimi dövləti əsdirən zat!
Salam olsun sənə varlığı düşməninə silahdan belə qorxulu kişi! Salam olsun sənə!!!
 
Son söz əvəzi
Son: fars buna sevinməsin, bu yazı qardaşın qardaşa gileyidir. Həm də unutmasın, ətlə dırnaq arasına girən oradan çıxarılacaq, ya gec, ya tez.!  
 

Rəy yaz

Söz istəyirəm

Zorakılıq cəmiyyətdə nəyin göstəricisidir? – Mehriban Vəzir Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti