Bu gün – avqustun 5-də həkim, publisist Rafiq Tağının 66 yaşı olacaqdı. Doğmaları, dostları, ruhən ona yaxın olan adamlar təkcə Azərbaycanda deyil, onun hüdudlarından kənarda da cəmiyyəti hərəkətə gətirən müxtəlif bədii əsərlərin, esse, publisist məqalələrin müəllifinin xatirəsini yad ediblər.
Bu gün onun məzarına gül dəstələri qoyulub, xatirəsinə layiq sözlər söylənilib.
O 1950-cı il avqustun 5-də Masallı rayonunun Xoççobanlı kəndində anadan olub. Tibb İnstitutunu bitirib. Kənd həkimi, Təcili yardım həkimi işləyib. O, istedadlı, Hippokrat andına sadiq həkim idi. Eyni zamanda doğuluşdan Allahın hər kəs kimi ona da verdiyi azadlığa sadiq, zəkalı və parlaq publisist idi.
R.Tağı 1960-cı illərin sonlarından –tələbəlik illərində əsərlərini dərc etdirməyə başlayıb. O, çoxlu şer, hekayə, oçerk və məqalə müəllifidir. 1987-ci ildə Azərbaycan Yazıçılar Birliyinin üzvü olub.
R.Tağı parlaq şəxsiyyət kimi həm də azad sözün ifadəçisi idi və çoxlarına azad şəkildə düşünməyi və danışmağı öyrədirdi, onları dövlətin, din və ənənəvi mentalitetin tabu qoyduğu müxtəlif mövzularda polemikalara çəkirdi.
Onun “Avropa və biz” essesində irəli sürdüyü fikirlərlə mübahisə aparmaq və mühakimə etmək olar. Bu esse 2006-cı ildə onun həbsinə səbəb oldu. 2007-ci ildə həbsdən buraxıldı və 2011-ci ildə öldürüldü. Lakin etiraf etmək lazımdır ki, onun dünyada gözlənilən hadisələr, islam, Azərbaycan barədə narahatlığını görməyənlər ölümündən bir neçə il sonra görməyə başladılar. Meydana İŞİD çıxdı, Azərbaycan sistemli böhranla üzləşdi, dünya isə daha da qarışıq və gərgin olmağa başladı.
Rafiq Tağı qurban getdi. O, İslamda sayılan və dərin ehtiram bəslənilən İsa peyğəmbərə rəğbət bəsləyirdi, əzəli və proqressiv İslamın yüksəlişini, Azərbaycanda ədalətli və ziyalı cəmiyyətin bərqərar olmasını arzu edirdi. Və bu mənada onun ideyaları həm dövlət, həm də dini radikalizm üçün yad və qəbuledilməz idi.
Soruşulanda ki o, kimin qurbanı oldu - radikal mollaların yoxsa oğurluq edən məmurların, son hadisələrin gedişatı özü bunun cavabını verir: həm onların, həm başqalarının...
Söz istəyirəm
-
Bu gün 2014-cü ilin fevralında başlayan rusiya təcavüzünün Ukraynaya qarşı genişmiqyaslı müharibəyə çevrilməsindən 1000 gün ötür. Min gün davam edən ağrı, itki, göz yaşı...
-
Dörd il əvvəl 7 minə yaxın insanın həlak olduğu İkinci Qarabağ müharibəsi başa çatdı. Daha sonra ermənilər Azərbaycanın "antiterror əməliyyatları" adlandırdığı döyüşlər nəticəsində Qarabağı tərk etdilər.
-
Ukraynada Rusiya təcavüzünün səbəb olduğu vəhşi, qanlı müharibə davam edir, bu müharibə hər gün insan həyatına son qoyur, evləri, infrastrukturu dağıdır, ekologiyaya və ətraf təbii mühitdə saysız-hesabsız itkilərə səbəb olur. Ukrayna bu dünyada hər kəsdən çox sülhə can atır, çünki bu Rusiya-Ukrayna müharibəsinin vəhşiliyini hər gün hiss edən bizik. Biz yaşamaq hüququ, azadlıq və ədalət uğrunda mübarizənin önündəyik. Ukrayna Avropanın və dünyanın sabit gələcəyi üçün etibarlı əsasa çevriləcək ədalətli sülh axtarır və buna yeganə alternativ yol Ukrayna Prezidenti Volodımır Zelenskinin Sülh Formulasıdır (Ukrayna Sülh Formulası).
-
Sıra nömrəsindən asılı olmayaraq, ümumdünya COP tədbiri yalnız iqlim dəyişikliyinə deyil, həm də humanizmə xidmət edən bir aksiyadır. COP keçirən ölkədə siyasi məhbus ola bilməz, COP keçirən ölkə insan haqlarına hörmət etməlidir.
Rəy yaz