Vətəndaşların diqqətinə!!!

Mülkiyyət hüququnun qorunması məqsədilə Sülh və Demokratiya İnstitutuna (SDİ) müraciət edən vətəndaşların nəzərinə.

TÖVSİYYƏLƏRİMİZ:

1. Mənzillərinizə gələn şəxslərdən onların icra hakimiyyəti orqanlarından və ya polisdən olduğunu təsdiq edən vəsiqəni göstərmələrini tələb edin.

2. Vəsiqə göstərməyən heç bir şəxsi mənzilə buraxmayın və onlarla danışmayın. Polis formasında olanlar mütləq polis vəsiqəsini göstərməlidirlər!!!

3. Təqdim edilmiş vəsiqənin fotosunu çəkin və ya orada göstərilmiş məlumatları yazın.

4. Mənzilin giriş qapısının yaxınlığında fotoaparat, videokamera saxlayın ki, özlərini MKİ-nin, icra hakimiyyətinin və polisin nümayəndəsi təqdim edənlərin çəkə biləsiniz. Vəsiqə təqdim edildikdə belə mütləq onların şəklini çəkin, sizin evinizə gələn hər bir şəxsin şəklini çəkmək hüququnuz var.

5. Mənzilinizə gələnlərlə apardığınız danışığı diktafona və ya maqnitofona yazın.

6. Müvafiq dövlət orqanının möhürü və cavabdeh şəxsin imzası ilə təsdiq olunmayan heç bir kağıza imza atmayın.

7. Qüvvədə olan Azərbaycan Respublikası Konsitutsiyasının 13 və 29-cu maddələri, Mülki Məcəllənin 157-ci maddəsi və Mənzil Məcəlləsinin 31-ci maddəsi ilə tanış olun. (internetdə var).

8. Polis haqqinda Qanunla tanış olun. Bu qanunun və DİN-nin zabitləri və ATƏT ekspertləri tərəfindən izahı broşür kimi çap (Azərbaycan dilində) olunmuşdur və SDİ-dən pulsuz əldə etmək olar. Broşür DİN, ATƏT və SDİ-nin birgə layihəsi olaraq cap olunub.

9. Mülkiyyətinə təklif olunan məbləğə qane olmayan vətəndaşlar (yalniz o vətəndaşlar ki, təklif olunan məbləğlə razı deyillər) məhkəməyə müraciət etsin.

10. Mənzillərinizə gələn şəxslərin fotoları, onların vəsiqələrinin fotoları, apardığınız danışığın diktafona yazılmasının surəti, onların mənzilə gəlmə tarixi, sizin özünüzün şəxsiyyət vəsiqənizin (sizin ünvanınız gğstərilmiş ) surəti ilə birlikdə SDİ-nin elektron adresinə - ipd1995@gmail.comgöndərin və ya Şəmsi Bədəlbəyli küçəsi 38, mənzil 1-2 ünvanına saat 14.30 - 18.00da (bazar günündən başqa) gətirə bilərsiniz.

Axırıncı bənd o vətəndaşlar üçündür ki, onlar tərəfindən toplanmış materiallar beynəlxalq hüquq-müdafiə təşkilatları üçün hazırlanacaq Hesabatın əsasını təşkil edəcək və burada Azərbaycandakı özbaşınalıq və paytaxt sakinlərinin kütləvi surətdə hüququnun pozulmasının əks olunmasını istəyirlər.

Həmvətənlilərim, inanıram ki, sizin topladığınız materiallar prezident İlham Əliyevin müraciətinin yerinə yetirilməsinə kömək edəcək.

10 fevral 2011-ci il tarixdə Prezident İlham Əliyev ölkə vətəndaşlarına müraciət edərək bildirdi ki, "Biz ölkəmizi müasirləşdirməliyik, bütün cəhətlərdən - həm siyasi islahatlar, həm də iqtisadi islahatlar baxımından inkişaf etmiş ölkələrin səviyyəsinə çatdırmalıyıq. Ölkədə ictimai nəzarət daha da güclü olmalıdır, rüşvətxorluğa, korrupsiyaya qarşı mübarizə daha da ciddi aparılmalıdır. Bu məsələlərin həlli ilə bağlı bu ilin əvvəlində Nazirlər Kabinetinin iclasında verdiyim tapşırıqlar yerinə yetirilir. Mən sizdən və Azərbaycanın bütün vətəndaşlarından xahiş edirəm ki, bütün xoşagəlməz hallar haqqında, bütün ədalətsizliklər haqqında, əsassız tələblər haqqında Prezident Administrasiyasına və digər müvafiq qurumlara, yerli icra hakimiyyəti orqanlarına məlumat versin ki, biz bu nöqsanları, bu yaraları daha da tezliklə aradan qaldıraq".

Leyla Yunus