Xocalı haqqında səs salmış filmin baş qəhrəmanı ağır vəziyyətdədir [Video]
Xocalı faciəsinin 24-cü ildönümü ərəfəsində dünyanın müxtəlif şəhərlərində Litvalı kinematoqrafçıların “Sonsuz dəhliz” sənədli filmi nümayiş olunur.
Bu filmin baş qəhrəmanlarından biri soyqırımda 8 qohumunu, o cümlədən həyat yoldaşını itirmiş və erməni əsirliyində olmuş Xocalılı musiqiçi Valeh Hüseynovdur.
Bu gün həyatda qalan xocalılardan biri olan bu şəxs yoxsulluq içində sürünür. Onun aylıq əmək haqqı təxminən 150 manatdır. Maddi yardımlara baxmayaraq, Valeh və ailəsi (üç övladı, həyat yoldaşı və yaşlı valideynləri) ehtiyac içindədir.
“Mən toylarda çalıb bir az pul qazanırdım, amma bu vəsait də çatmırdı. Atam xəstələndi, əməliyyat üçün kredit götürməli olduq. Gəlirimiz yox idi. Birinci krediti bağlamaq üçün daha böyük məbləğdə kredit götürmək lazım gəldi, sonra da ucu-bucağı itdi”, deyə Valeh bildirib.
Dostların və tanışların köməyi ilə xeyriyyə konserti keçirmək və bir qədər pul yığmaq mümkün oldu. Lakin başqa gəlirlərin olmaması və uşağın xəstəliyi də yenidən banklara müraciət etmək məcburiyyətində qoydu.
2015-ci ildə filmin Türkiyədə nümayiş olunmasından sonra Azərbaycanda məşhur şirkətlərdən biri onu işə götürüb, lakin bu gün həmin şirkət də dəstəkdən imtina edib. Faciənin ildönümü ərəfəsində Valeh həlak olmuş qohumları üçün ənənəvi ehsan vermək üçün əmək haqqının bir hissəsinin əvvəlcədən verilməsini xahiş edib. Buna cavabda firma rəhbəri onu nanəcib və nalayiq insan adlandırıb.
“Bu gün bütün dünyada mənim həyatım, faciəvi taleyimlə bağlı film nümayiş olunur. Buna böyük vəsait sərf olunur, amma dəstək müraciətlərim cavabsız qalır.
Həlak olmuş həmvətənlərimin, qonşularımın və qohumlarımın yad olunması müqəddəs və zəruri vəzifədir. Amma, yəni yaşayan xocalıların həyatı heç nəyə dəyməz? Yəni Xocalı faciəsinin tanınmasına nail olmaq üçün ayrılan vəsaitlərin bir hissəsini yaşayanların dəstəklənməsinə yönləndirmək olmaz? Mənim kimi onlarla, bəlkə də yüzlərlə insan var”, deyə Valeh bildirib.
Daimi ehtiyac, üstəgəl streslər ağır diabetdən əziyyət çəkən Valehin vəziyyətini çətinləşdirib. Məhz buna görə ötən həftəsonu Valehin vəziyyəti kəskin şəkildə pisləşib, o, reanimasiyaya düşüb. Həkimlər çətinliklə həyatını xilas edib.
“Bilmirəm sabah başıma nə gələcək, amma belə bir təəssürat var ki, biz heç kimə lazım deyilik”, deyə Valeh acı şəkildə bildirib.
* Valeh Hüseynov mühasirəyə alınmış Xocalıdan onlarla insanı çıxaran, bu zaman öz həyat yoldaşını itirən döyüşçülərdən biridir. Qadınları və uşaqları xilas edərkən o, özü əsir düşüb, burada amansız işgəncələrə məruz qalıb və möcuzə ilə sağ qalıb. O, iki ay sonra təhvil verilib. -02В-
-
- İqtisadiyyat
- 24 Fevral 2016 15:07
-
- İqtisadiyyat
- 24 Fevral 2016 15:28
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz