![Aşqabadın demarşının arxasında Rusiya durur](https://turan.az/resized/750/500/resize/media/2012/main/062300003674.jpg)
Aşqabadın demarşının arxasında Rusiya durur
Türkmənistan rəhbərliyinin diplomatik demarşı və Xəzərdə mübahisəli yatağın işlənməsi niyyəti barədə bəyanat Kremlin Avropada qaz inhisarından ayrılmaq istəməməsinin nəticəsidir. Bunu “Şərq-Qərb” Siyasi Araşdırmalar Mərkəzinin rəhbəri, politoloq Ərəstun Oruclu “Obyektiv TV”-yə (obyektiv.tv) müsahibəsində deyib.
Onun sözlərinə görə, təxribatda katalizator rolunu ABŞ dövlət katibi Hillari Klintonun Cənubi Qafqaz regionuna səfəri və region ölkələri ilə birgə layihələri dəstəkləməsi olub.
Onun gəlişindən əvvəl xarici işlər naziri Lavrov burada olub. O, birbaşa Azərbaycan rəhbərliyinə müraciət edərək “düşünməyi” və Qərbi Avropanın enerji təhlükəsizliyini təmin edən “Nabukko” qaz layihəsinə yol verməməyi tələb edib.
Bu cür səfərlər uzun müddət hazırlanır və müsbət nəticəyə hesablanır. Odur ki, Aşqabadın Xəzərdəki “Kəpəz” (“Sərdar”) mübahisəli yatağını işləməyə hazır olması barədə bəyanatı bəzi strateji məsələlərin həllində Azərbaycan hökumətinin Moskvadan yan keçməklə Klintonla prinsipial razılaşması haqda informasiyanın sızmasından xəbər verir.
“Nə qədər ki, “Moskvanın əli” Qafqaz və Orta Asiya ölkələrinin “siyasi nəbzində” dayanacaq, hələ İranı demirəm, nə qədər ki, həmin dövlətlərin daxili proseslərinə təsir göstərmək üçün real imkanları olacaq, biz tədricən bu cür demarşların şahidi olacağıq. Bu, diplomatiyada ümumqəbul olunmuş praktikadır. Odur ki, bu cür “gedişlərdə” ciddi hərbi və digər nəticələr irəlicədən görünmür”, - o vurğulaylb. --17D—
-
- Sual-cavab
- 24 İyun 2012 16:58
Sual-cavab
-
Dövlət Departamentinin nümayəndəsi, Avropa və Avrasiya məsələləri üzrə Büronun Avropa təhlükəsizliyi və siyasi məsələlər İdarəsinin direktoru Liam Uesli Turan-ın Vaşinqtondakı müxbiri Aleks Raufoğlu ilə müsahibəsində NATO-nun Ukraynanın müdafiəsi ilə bağlı planları haqqında danışıb.
-
Ölkənin ən təcrübəli dövlət və siyasət adamlarından biri Sadettin Tantan Turan İnformasiya Agentliyinin suallarını cavablandırdı
-
Al-Jazeera kanalı Türkiyə bürosunun əməkdaşı Yılmaz Akıncı “Peşimdeki melek” adlı xatirələr kitabının işıq üzü görməsindən sonra Turan İnformasiya Agentliyinin suallarını cavablandırdı
-
Sahibkarlığın və Bazar İqtisadiyyatının İnkişafına Yardım Fonduna rəhbərlik edən nüfuzlu ekspert Sabit Bağırov Turan agentliyinə eksklüziv müsahibəsində BMT-nin İqlim Dəyişikliyi haqqında Çərçivə Konvensiyasının tərəflərin 29-cu Konfransının (KX29) ev sahibi kimi ölkənin qarşıdakı roluna işıq salır.
Rəy yaz