Laura Cyuyet: NDİ Azərbaycanda işləyəcək
ABŞ Milli Demokratiya İnstitutunun Avrasiya üzrə regional direktoru Laura Cyuyet Azərbaycandakı bölgə nümayəndəsinin ünvanına səslənən ittihamlarla bağlı şərh verib.
Cyuyet Turan-ın Vaşinqton müxbirinə müsahibəsində bildirib ki, NDİ bütün xərcləri haqqında hesabatlarda tamamilə şəffafdır və yerli qanunlara tamamilə riayət edir.
Buna görə, NDİ-nin istənilən başqa fəaliyyətdə iştirak etməsi haqqında ehtimallar yalandır”, deyə o qeyd edib.
Sual: Bir sıra KİV-lərin məlumatlarında NDİ əsasən sosial media vasitəsilə “rəngli inqilablar” planlaşdırmaqda ittiham edilir. Guya bu məqsədlə 2 mln. dollar ayrılıb. Bunu necə şərh edərdiniz?
Cavab: NDİ prezidenti Kennet Vollak bununla bağlı bildirib ki, Azərbaycanın bəzi KİV-lərində bu kimi məqalələr tamamilə uydurmadır. Bu nəşrlər NDİ-nin yerli nümayəndəsindən daha çox müəlliflərin peşəkarlığını şübhə altına qoyur.
NDİ Azərbaycanda 1995-ci ildən işləyir. İnstitutun proqramları bitərəfdir və NDİ hökumətyönlü və ya hökumətin əleyhinə olan qüvvələri dəstəkləməyə cəhd etmir. Son illər ofisin fəaliyyəti vətəndaş cəmiyyəti təşkilatlarına, gənc gələcək liderlərə və digər vətəndaşlara yerli hakimiyyət orqanları ilə konstruktiv əməkdaşlıq məqsədilə köməklik göstərilməsinə yönəlib.
Sual: Bununla ilk dəfə deyil ki, Azərbaycan hökumətinin və hökumətyönlü KİV-lərin NDİ və digər beynəlxalq QHT-ləri ölkənin daxili işlərinə müdaxilədə ittiham edir. Prezident seçkiləri ilində bunu necə qiymətləndirmək olar?
Cavab: NDİ proqramları yerli infrastrukturun – yolların, işıqlandırmanın, kommunal xidmətlərin, parkların yaxşılaşdırılması üçün dialoqa şərait yaradıb, həmçinin dərs sinifləri, kitab klubları, sosial kampaniyalar şəklində imkanlar, habelə ekoloji layihələr təqdim edir.
NDİ həmçinin Azərbaycan vətəndaşlarının seçkilərin daxili monitorinqinə yönəlmiş səylərini dəstəkləyir. Bu seçkilərin nəticələri institutu maraqlandırmır.
NDİ-nin xərcləri haqqında hesabatları şəffafdır və onun tədbirləri yerli qanunlara tamamilə uyğundur. NDİ-nin istənilən başqa fəaliyyətdə iştirakı ilə bağlı ehtimallar tamamilə yalandır.
Sual: Son ittihamlar parlamentdə yerli QHT-lərə xarici yardım imkanlarının məhdudlaşdırılması təklifi ilə eyni vaxta təsadüf edib. Rusiya da bu yaxınlarda eyni addımı atıb.
Bu hadisələr haqqında hər-hansı əlaqə görürsünüzmü və Azərbaycanda NDİ layihələrinin məhdudlaşdırılmasını gözləmək olarmı?
Cavab: Konstruktiv vətəndaş cəmiyyəti iqtisadi və sosial irəliləyiş üçün əsas yaradır. ATƏT-in Kopenhagen sənədi və Mülki və Siyasi Hüquqlar haqqında Beynəlxalq Pakt kimi beynəlxalq öhdəliklərə riayət etmək məqsədilə QHT-lərin fəaliyyəti ilə bağlı istənilən qanunlar Azərbaycan təşkilatları ilə onların digər ölkələrdəki həmkarları arasında məlumat mübadiləsinə və əməkdaşlığa şərait yaratmalıdır.
Bu mübadiləyə və əməkdaşlığa müdaxilə edən qanunvericilik Azərbaycanda vətəndaş cəmiyyətinin inkişafına, ölkənin iqtisadi və sosial inkişafına mənfi təsir göstərir.
Sual: Azərbaycanda NDİ-nin gələcəyini necə görürsünüz?
Cavab: NDİ-nin Azərbaycanda əvvəlki kimi ölkənin yaxşı gələcəyi üçün vətəndaşlarla işləyəcəyinə ümid edirik. -25В-
Rəy yaz