Georgy Vanyan
Azərbaycan Respublikasının prezidenti
Cənab İlham Əliyevə
Hörmətli, cənab Prezident
Hər şeydən öncə, Azərbaycanın Ermənistanla sülh sazişinin imzalanmasına, Qarabağ ərazisində yaşayan erməni əhalinin vətəndaşlığını bərpa etməyə hazır olması və onların Azərbaycan Konstitusiyası ilə ölkəmizin vətəndaşları üçün zəmanət verilmiş bütün hüquqlarla təmin olunması barədə verdiyiniz bəyanatlara öz dəstəyimizi bildirmək istərdik.
Bu yaxınlarda döyüşmüş hər iki tərəfdən regionda sülhün bərqərar olması istiqamətində fəaliyyəti dəstəkləyən vətəndaş cəmiyyəti fəalları və özəklərinin təşəbbüsləri sizin bu bəyanatlarınızın fonunda xüsusi əhəmiyyət kəsb edir. Ümid edirik ki, siz həm ölkəmizdə, həm də Ermənistanda sülhməramlı kimi özünü doğrultmuş vətəndaş cəmiyyəti nümayəndələrinin, əsasən də qeyri-hökumət təşkilatları nümayəndələrinin bu təşəbbüslərini müsbət qiymətləndirəcəksiniz.
Ermənistanın iki belə nümayəndəsi, Georgi Vanyan və Yuri Manvelyan bu yaxınlarda sizə müraciət edərək, Azərbaycanın hüquq-mühafizə orqanları tərəfindən saxlanılan erməni hərbçilərin azad edilməsi imkanlarını nəzərdən keçirməyinizi xahiş ediblər.
Onların sayının nə qədər olduğu məlum deyil. Onların statusu ilə bağlı müxtəlif fikirlər söylənilir. Amma bir şeyi dəqiq bilirik ki, onlar son 33 ildə bizim köklü yerli milli maraqlarımıza zidd olaraq, Ermənistan və Azərbaycan xalqlarına zorla qəbul etdirilmiş siyasi xəttin qurbanlarıdır. İki qonşu dövlət arasında sülh və ya müharibənin olmasına onlar qərar verməyiblər, bizim xalqların taleyinin müəyyən edilməsində demək olar ki, onlardan heç bir şey asılı olmayıb.
Onlar insan talelərini “üyüdən” amansız müharibə dəyirmanının daşları arasında qalan tipik "sıravi vətəndaşlar”dır.
Biz sülhməramlı Georgi Vanyan və jurnalist Yuri Manvelyanın çağırışına qoşulur və sizdən xahiş edirik ki, xoş məram nümayiş etdirərək ölkəmizdə həbsdə olan və istintaqın barələrində hər hansı ciddi cinayət əməli aşkar etmədiyi erməni hərbçilərin azadlığa buraxılması barədə sərəncam verəsiniz.
Bunun sülh proseslərinin inkişafına ciddi töhfə verəcəyinə şübhə etmirik. Bu əsgərləri evlərində anaları gözləyir, onlar da sizin qərarınızı minnətdarlıqla qarşılayacaqlar.
Arzu Abdullayeva
Əli Abasov
Zərdüşt Əlizadə
Sabit Bağırov
Söz istəyirəm
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
-
Azərbaycan Dövlət Kütləvi İnformasiya vasitələri və “yalançının kor şahidi” qismində çıxış edən yandaş media erməni əsirliyində olan adamlara verilən ağır işgəncələr haqqında tez-tez heyrətləndiricü söhbətlər, əsirin şəxsiyyətinin və ləyaqətinin alçaldılması haqqında süjetlər, söhbətlər, müsahibələr verirlər.
-
Belə getsə London Yüksək Məhkəməsi böyük uyğur mütəfəkkiri Mahmud Kaşğarinin və onun təkrarsız dil abidəsi olan "Divanü Lüğat-it-Türk" əsəri üzərinə də həbs qoyacaq. Dünən oxudum ki, Mahmud Kaşqari adına Beynəlxalq Fondun təsisçiləri xalq yazıçısı Anar və Elxan Zal Qaraxanlı Fondun yeni rəhbəri kimi Milli Məclisin deputatı Cavanşir Feyziyevin namizədliyini irəli sürüblər. Cavanşir Feyziyev Mahmud Kaşqari adına Beynəlxalq Fondun yeni prezidenti oldu.
Rəy yaz