Arif Hacılanın oğlu iki ay müddətinə həbs edilib

Bakı/02.11.23/Turan: Noyabrın 2-də Bakının Yasamal Məhkəməsi Müsavat başqanı Arif Hacılının oğlu Orxan Hacılını 2 ay müddətinə həbs edib. Ona qarşı Cinayət Məcəlləsinin 263.1 (nəqliyyat vasitəsini idarə edən şəxs tərəfindən yol hərəkəti və ya nəqliyyat vasitələrinin istismarı qaydalarının pozulması, ehtiyatsızlıqdan zərərçəkmiş şəxsin sağlamlığına az ağır və ya ağır zərər dəydikdə) və 264-cü (yol-nəqliyyat hadisəsi yerindən qaçma) maddələri ilə ittiham elan olunub.

Vəkil Nemət Kərimli cinayət təqibinin əsassız olduğunu bildirərək, qəzanın Orxan Hacılanın günahı olmadığını vurğulayıb.

“Sosial şəbəkələrdə oktyabrın 11-də baş vermiş qəzanın videogörüntüləri yayılıb. Orxan öz yolu ilə gedirdi, lakin başqa bir maşın qəfildən onun qarşısındakı yola çıxıb və yanlış yerdə dönməyə başlayıb. Orxanın maşını bu avtomobilə çırpılıb, yan tərəfə atılıb və dayanmış avtomobilə dəyib”, vəkil jurnalistlərə bildirib.

O, məhkəmədə zərərçəkmiş olmadığını qeyd edib. Ümumilikdə yol-nəqliyyat hadisəsi zamanı nəticəsində xəsarət alan olmayıb. Lakin 20 gün sonra işdə “zərərçəkmiş” peyda olub, güya o səkidə oturubmuş və “zəncirvari qəza”dan zərər çəkib.

Digər avtomobillərə dəyən ziyana gəlincə, iki avtomobilin sahiblərinə kompensasiya ödənilib, daha bir avtomobil təmir olunur.

Bundan başqa, Orxan Hacılıya qarşı irəli sürülən ittihamlar böyük ictimai təhlükə törətməyən və azadlıqdan məhrum etmə ilə bağlı olmayan alternativ cəza növlərini nəzərdə tutan cinayətlərə aiddir.

Belə olan halda təqsirləndirilən şəxsin həbsi əsassızdır. Ümumiyyətlə, Azərbaycanın məhkəmə təcrübəsində Cinayət Məcəlləsinin bu maddələri ilə təqsirləndirilən şəxslər həbs edilmir. 

Orxan Hacılı ittihamları rədd edərək, atasının siyasi fəaliyyətinə görə təqib olunduğunu deyib. Müdafiə tərəfi məhkəmənin qərarından apellyasiya şikayəti vermək niyyətindədir.

Müsavat Partiyası Orxan Hacıla qarşı işi siyasi, partiyaya və onun başqanı Arif Hacılaya təzyiq məqsədi daşıyan iş kimi qiymətləndirib. 16В