Photo TURAN.
ABŞ Laçın yaxınlığında atışmadan "narahatdır"
Vaşinqton/16.06.23/Turan: Cümə axşamı Dövlət Departamenti Laçın rayonunda Ermənistan-Azərbaycan sərhədində atışma ilə bağlı son hadisələrə reaksiya verib.
"Biz, Ermənistan-Azərbaycan sərhədi boyunca Laçın yaxınlığında atışmanın şəxsi heyətin yaralanmasına səbəb olmasından çox narahatıq",- rəsmi nümayəndə Metyu Miller Turan-ın Vaşinqton müxbirinə bildirib.
"Biz öz bəyanatımızı təsdiqləyirik ki, tərəflər sərhəd boyunca döyüşlərdən çəkinməlidirlər və tərəflər möhkəm və layiqli sülh sazişinin bağlanması üzərində işlədikləri üçün Laçın dəhlizindən azad və açıq tranzit bərpa olunmalıdır", - o deyib və əlavə edib:"Biz tərəflərin tezliklə görüşünü səbirsizliklə gözləyirik".
Cümə axşamı səhər Azərbaycan bildirib ki, Laçın yaxınlığındakı blokpost hücuma məruz qalıb, nəticədə bir sərhədçi yaralanıb. Ermənistan da öz növbəsində bildirib ki, "Azərbaycanın Ermənistan ərazisində öz bayrağını qaldırmaq cəhdi nəticəsində" onun sərhədçilərindən biri yaralanıb.
İnsident barədə məlumatlar fonunda Rusiya sülhməramlıları və Qırmızı Xaç kolonları blokpostdan keçə bilməyiblər.
Bu, Yerevanın Naxçıvanla sərhəddə insident barədə məlumat verməsindən bir gün sonra baş verib. Ermənistanda Amerika investisiyaları ilə inşa edilən poladtökmə zavodunda çalışan iki nəfər Hindistan vətəndaşı yaralanıb.
"Biz Azərbaycan tərəfdən atəş nəticəsində Ermənistandakı ABŞ-a bağlı şirkətin iki mülki əməkdaşının yaralanmasından çox narahatıq", - Metyu Miller Tvitterdə yazıb.
Azərbaycan Xarici İşlər Nazirliyinin mətbuat katibi Ayxan Hacızadə Tvitterdə cavab verib: "Biz Ermənistanda tikilən metallurgiya zavodundakı mülki işçilərə qarşı əsassız ittihamları rədd edirik. Bir qayda olaraq, bu, Ermənistanın çaşqınlıq yaratmaq və diqqəti öz hərbi təxribatlarından və zavodun mənfi transsərhəd təsirindən yayındırmaq üçün növbəti uydurmasıdır".
Cümə axşamı mətbuat konfransı zamanı Turan-ın Vaşinqton müxbiri Millerdən insidentlə bağlı Vaşinqtonun narahatlığı barədə danışmasını xahiş edib.
"Mənim bu vəziyyətlə bağlı hələ də narahat olduğumuzu söyləməkdən başqa təklif edəcəyim bir şey yoxdur və biz hər iki tərəfi qalan fikir ayrılıqlarını aradan qaldırmaq üçün birlikdə işləməyə çağırırıq", - o deyib.
Son günlərdə ümumi sərhəddə yenidən baş verən qanlı toqquşmalar ABŞ-ın vasitəçiliyilə sülh danışıqlarının pozula biləcəyilə bağlı narahatlıq yaradıb.
Dövlət Departamenti Azərbaycan və Ermənistan xarici işlər nazirlərinin Vaşinqtonda növbəti görüşünün təşkili üzərində işləyir. Görüşün yeni tarixinə gəlincə, "bunu etmək imkanımız olanda elan edəcəyəm",- Miller Turan-ın müxbirinə deyib. 0
-
- Qafqaz
- 16 İyun 2023 11:16
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz