Məhəmməd Mirzəli
Bakı/22.11.18/Turan: Fransada siyasi mühacirətdə olan bloger Məhəmməd Mirzəli yeznəsi, Laçın rayonundan məcburi köçkün Elman Ağayevin saxlandığını bildirib.
M.Mirzəli Turan-a bildirib ki, E.Ağayev noyabrın 20-də saxlanılıb."Elmanı axşam evə gələrkən saxlayıblar. Noyabrın 21-də evlərinə zəng edib bildiriblər ki E.Ağayev Binəqədi polisi tərəfindən saxlanılıb. Guya, uzərindən narkotik maddə aşkar edilib", - M.Mirzəli bildirib.
O, E.Ağayevin saxlanmasını özünün Azərbaycan hakimiyyətinin ünvanına tənqidləri ilə əlaqələədirib .
M.Mirzəli qeyd edib ki, E.Ağayev əvvəllər də bir neçə dəfə saxlanılıb və inzibati həbs cəzası alıb.
E.Ağayevin dostları "Azadlıq" radiosuna bildiriblər ki, o, inzibati qaydada iki ay həbs cəzası alıb. Detallar məlum deyil.
23 yaşlı M.Mirzəli AXCP üzvüdür və sosial şəbəkələrdə Azərbaycan hakimiyyətini tənqid edir.
Vaxtilə "Əsgər ölümlərinə son!" aksiyasında iştirakına görə təqiblərlə üzləşib və bundan sonra Azərbaycanı tərk edib.
Qeyd edək ki, rəsmi Bakını xaricdən tənqid edən fəal blogerlərin demək olar ki, hamısının qohumlarına təzyiq göstərilir, onlar təqib olunur.
Belə praktika Azərbaycan hakimiyyəti tərəfindən bir neçə ildir ki, həyata keçirilir.05B06-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz