Bakı/01.03.19/Turan: Azərbaycan Dövlət Təhlükəsizliyi Xidməti (DSX) dövlət əleyhinə və millətlərarası ədavətə çağırışlarda ittiham olunan Fəxrəddin Abbasovun həbs edildiyini bildirib.
DSX-nın bəyanatına görə, F.Abbasov fevralın 28-də axşam Moskva Lyuberetski məhkəməsi müvafiq qərar qəbul etdikdən sonra ekstradisiya edilib.
2018-ci ilin iyulunda Bakıda F.Abbasova qarşı Azərbaycan CM-in 283.1 və 281.2-ci maddələri ilə cinayət işi açılıb və barəsində axtarış elan edilib.
F.Abbasovun Rusiyada müvəqqəti yaşama icazəsi olub, müddət bitdikdən sonra deportssiya edilib.
O, Bakı aeroportunda hüquq-mühafizə orqanları tərəfindən saxlanılıb və istintaqa cəlb edilib.
"Hazırda F.Abbasovun Ermənistanın xüsusi xidmət orqanları ilə əməkdaşlığı, KİV-də, sosial şəbəkələrdə və müxtəlif tədbirlərdə Azərbaycan Respublikasının ərazi bütövlüyünə qarşı çağırışları və bəyanatları araşdırılır", - məlumatda bildirilir.
Xatırladaq ki, Fəxrəddin Abbasov talış separatizminin ideoloqlarından biri, talış hərəkatının lideri, Hollandiyada mühacirətdə olan Əlikram Hümmətovun silahdaşlarından biridir.-02D-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz