Bakı/21.05.19/Turan: Ötən gecə ölkə ərazisinin böyük hissəsində güclü külək və dolu ilə müşaiyət olunan leysan yağışı davam edib. Dağlıq Kişçay çayında (ölkənin şimal-qərbi) leysan yağışları daşqına səbəb olub.
Ən çox yağıntı Oğuza (44 mm - aylıq normanın 41%-i), Şəkiyə (40 mm - 39%), Zaqatalaya (33 mm - 26%) və İsmayıllıya (22 mm - 34%) düşüb.
Gəncədə cənub-qərb küləyinin gücü 34 metr/saniyə, İsmayıllıda 32 m/s, Daşkəsəndə 30 m/s, Ağsuda 27 m/s təşkil edib.
Şəki rayonuna diametri 34 mm olan dolu düşüb. Tərtər və Zaqatala rayonlarına da böyük dolular düşüb.
İntensiv yağıntılı qeyri-sabit hava şəraiti yaxın bir gün ərzində davam edəcək, xəbəri Ekologiya Nazirliyinin sinoptikləri yayıb. -02D-
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz