Coalition of Public Unions for "Increasing Transparency in Extractive Industries of Azerbaijan". Turan
QHT Koalisiyası qurum fəallarına təzyiqləri pisləyib
Bakı/20.06.17/Turan: "Mədən Sənayesində Şəffaflığın artırılması" İctimai Koalisiyası qurum üzvlərinə təzyiqlərlə bağlı bəyanat yayıb.
"Mədən Sənayesində Şaffaflıq Təşəbbüsü Koalisiyası təsis olunduğu ilk zamanlardan başlayaraq, ölkədə mədən hasilatının şəffaflığı və hesabatlılığı uğrunda ardıcıl və məqsədyönlü mübarizə aparıb. Ancaq hökumət qurumları inzibati metodlardan istifadə edərək Koalisiyanın maddi-texniki imkanlarını zəiflətməyə çalışmaqla yanaşı, Koalisiyada təmsil olunan QHT üzvlərinə də müxtəlif metodlarla təzyiqlər göstərib və hazırda bu təzyiqlər davam edir", - bəyanatda deyilir.
Həmin təzyiqlərin nəticəsi olaraq bəzi üzvlər Koalisiya sıralarını tərk edib, bəziləri isə ölkəni tərk edərək digər dövlətlərdə mühacir həyatı yaşayır. Bir neçə Koalisiya üzvü isə əsassız olaraq məhkumluq həyatı yaşamağa məcbur edilib.
Koalisiyanın üç üzvü - Fuad Qəhrəmanlı, Asif Yusifli, Mehman Hüseynova Azərbaycan Cinayət Məcəlləsinin müxtəlif maddələri ilə saxta ittihamlar elan edilib, əsassız olaraq uzun müddətə azadlıqdan məhrumetmə cəzasına məhkum ediliblər və hazırda məhkumluq həyatı yaşayırlar.
Koalisiyasnin daha bir üzvü Əziz Orucovun barəsində isə 4 aylıq həbs qətimkan tədbiri seçilib.
"Hökumət qurumları hər dörd şəxsin mədən hasilatı sahəsində fəaliyyətinə görə məsuliyyətə cəlb edilərək məhkum edilmədiklərini bildirsələr də ölkə və beynəlxalq ictimaiyyət sözügedən Koalisiya üzvlərinin birbaşa və yaxud dolayısıyla vətəndaş cəmiyyətindəki mövqelərinə görə həbs olunduqlarını israr edirlər.
Koalisiyanın Ali orqanı olan ümumi yığıncaq hesab edir ki, hakimiyyət qurumları çoxsaylı vətəndaş cəmiyyəti üzvlərinin iradəsini nəzərə alaraq əsassız və qanunsuz olaraq azadlıqdan məhrum edilmiş dörd üzvünün hər birini dərhal azadlığa buraxmalı və həmin şəxslərə öz fəaliyyətlərini yenidən bərpa etməyə imkan yaratmalıdır, bəyanatda bildirilir.-06D--
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz