Açiq mənbələrdən foto.
Bakı/15.09.22/Turan: Sentyabrın 10-dan Dövlət Təhlükəsizliyi Xidmətinin İstintaq Təcridxanasında saxlanılan vəkil Elçin Sadıqovun yanına ilk dəfə müdafiəçi buraxılıb.
Sentyabrın 14-də vəkil Şəhla Hümbətova onunla görüşüb.
O, Turan-ın müxbirinə bildirib ki, Sadıqovun saxlanma şəraitindən və onunla rəftardan şikayəti yoxdur. Lakin rüşvətxorluqda iştirakla bağlı ittihamı rədd edir.
Sentyabrın 10-da vəkil Elçin Sadıqov və jurnalist Əvəz Zeynallı Baş Prokurorluğun İstintaq İdarəsinin əməkdaşları tərəfindən saxlanılıblar. Onların evlərində və ofislərində axtarış aparılıb, sənədləri və elektron məlumat daşıyıcıları götürülüb.
Sentyabrın 11-də Bakının Binəqədi Rayon Məhkəməsi Əvəz Zeynallı və Elçin Sadıqovu 4 ay müddətinə həbs edib. Onlara qarşı Azərbaycan Cinayət Məcəlləsinin 311.3.3 və 32.5, 311-ci (külli miqdarda rüşvət almağa kömək etmə) maddələrilə ittiham irəli sürülüb.
Hüquq müdafiəçiləri Əvəz Zeynallı və Elçin Sadıqova qarşı ittihamları uydurma və siyasi motivli hesab ediblər. 16D06
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz