Azərbaycanda yanvarda orta aylıq temperatur iqlim normasına yaxın olacaq. Yağıntı miqdarının da normalara uyğun, ayrı-ayrı günlərdə bir qədər yüksək olacağı gözlənilir. Xəbəri Ekologiya Nazirliyinin sinoptikləri verib.
Bakıda və Abşeronda orta temperatur +3 +5 dərəcə təşkil edəcək. Ayrı-ayrı günlərdə gecə -3 -8 dərəcə şaxta gözlənilir.
Aylıq yağıntı miqdarı 18-28 mm, ayrı-ayrı yerlərdə daha yüksək olacaq.
Naxçıvanda orta aylıq temperatur -2 dərəcə şaxtadan +1 dərəcəyə qədər təşkil edəcək. Ayrı-ayrı günlərdə gecə -13 -18 dərəcə şaxta olacaq.
Kiçik Qafqaz dağlarında orta aylıq temperatur -1 -3 dərəcə şaxta təşkil edəcək (ayrı-ayrı günlərdə gecə -12 -17 dərəcə şaxta olacaq).
Böyük Qafqaz dağlarında orta aylıq temperatur -2 +2 dərəcə olacaq. Ayrı-ayrı günlərdə gecə şaxta -8 -13 dərəcə, yüksək dağlıq rayonlarda isi -18 -23 dərəcə şaxta olacaq.
Yağıntı miqdarı 22-49 mm, bəzi yerlərdə daha yüksək olacaq.
Mərkəzi Aran bölgəsində orta aylıq temperatur +3 +5 dərəcə (ayrı-ayrı günlərdə gecə -5 -10 dərəcə şaxta) təşkil edəcək.
Cənub bölgəsində orta temperatur +1 +5 dərəcə (ayrı-ayrı günlərdə -3 -8 dərəcə şaxta, dağlarda isə -12 -17 dərəcə şaxta) təşkil edəcək. Yağıntı miqdarı 63-98 mm olacaq. -02D-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz