2014-cü ildə “Bakı metropoliteni” QSC-nin gəlirləri 80,4 mln. manat təşkil edib ki, bu da əvvəlki ildə olduğundan təxminən 9% çoxdur. İl ərzində dövlət büdcəsindən subsidiya (36 mln. manatdan çox) 17,2% artıb.
İyulun 10-da metropoliten tam maliyyə hesabatını mətbuata açıqlayıb. Hesabata görə, hətta subsidiya nəzərə alınmaqla ötən il maliyyə itkisi 27,5 mln. manat təşkil edib ki, bu da 2013-cü ildə olduğundan 3,7 mln. manat azdır.
Ötən il metropolitenin məxaric materiallarının alınması xərcləri (11,4 mln.manat) 14% azalıb. Eyni zamanda enerji xərcləri (7,5 mln. manat) 8,4% artıb. Əməkhaqlarının ödənilməsinə və sosial ayırmalara (42,8 mln. manat) 2013-cü ildə olduğundan 4,9% çox vəsait xərclənib.
2014-cü ildə Bakı metropoliteninin inkişafına 388,2 mln. manat həcmində investsisiya qoyulub ki, bu da 2013-cü ildə olduğundan 6,5% azdır.
Qeyd edək ki, böyük kapital qoyuluşlarına baxmayaraq, 2011-ci ildən Bakıda yeni stansiya istismara verilməyib. İki yeni stansiyanın (“Avtovağzal” və “Əcəmi-2”) 2013-cü ilin dekabrında istismara verilməsi planlaşdırılmışdı. Bu yaxınlarda bildirilib ki, “maliyyə problemləri səbəbindən” stansiyalar bu il də istismara verilməyəcək.
Bu ilin əvvəli üçün “Bakı metropoliteni” QAC-nin bölünməmiş zərəri 283,5 mln. manata çatıb.
Qeyd edək ki, 2014-cü ildə metropolitenin debitor borcları 10 dəfə artaraq 60,3 mln. manatı ötüb.
2014-cü ildə dövlət “Bakı metropolietni” QSC-yə 231,6 mln. manat kapital qoyaraq 2 mlrd. manata çatdırıb. 08D
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz