Bugündən gömrük bəyannamələri elektron qaydada veriləcək

Məlumatda deyilir ki, bəyannamələri kağızla deyil, internet üzərindən təqdim olunması   gömrük sərhədindən keçirilən malların və nəqliyyat vasitələrinin gömrük orqanlarına bəyan edilməsi ilə bağlı prosedurların sadələşdirilməsi, gömrük xidmətlərinin göstərilməsində şəffaflığın təmin edilməsi, sahibkarlar üçün əlverişli biznes mühitinin yaradılması və xarici ticarət əməliyyatlarının daha da stimullaşdırılması məqsədi daşıyır.

Bununla belə sahibkarlar xəbərdar edilib ki, sənədlərin və gömrük bəyannaməsinin düzgün tərtib olunmasına görə gömrük qanunvericiliyinə əsasən birbaşa məsuliyyət daşıyacaqlar.

Elektron bəyannamə sistemi belə işləyir: bəyannamə “Elektron imza” ilə imzalanıb gömrük orqanına göndərilir. Gömrük orqanları onun qəbul edilməsini təsdiq edir. Bundan sonra həmin bəyannamə hüquqi əhəmiyyətə malik sənəd sayılır. İkinci dəfə həmin bəyannamədə hər hansı bir məlumatın dəyişdirilməsinə yol verilmir.

Buna görə də DGK xarici ticarət əməliyyatları ilə məşğul olan sahibkarların nəzərinə çatrırb ki, təqdim edilmiş bəyannamədə buraxılmış hər hansı bir səhv gömrük orqanları tərəfindən ciddi tədqiq olunacaq. İşdir, gömrük işi sahəsində hər hansı hüquqpozma faktı müəyyən edilərsə, xüsusi araşdırma aparılacaq.  --08D--