Fevralın 1-ə olan vəziyyətə görə, 2 mln 993 min 735 nəfərin (ilin əvvəli ilə müqayisədə +0,6% və ya 17 min 417 nəfər) fərdi icbari sosial sığorta hesabı var.
Dövlət Sosial Müdafiə Fondunun (DSMF) mətbuat xidmətinin məlumatında deyilir ki, fərdi sosial sığorta hesabına malik olanların 59,1%-i kişi, 40,9%-i qadındır.
DSMF-nun məlumatına əsasən, ən çox fərdi hesaba malik olanlar 30 yaşdan 40 yaşa qədər olan işləyən şəxslərdi (sosial söğorta ödəyənlərin 24,6%-i), 33 yaşa qədər olanlar ödəyicilərinin 22%-i, 40 yaşdan 50 yaşa qədər olanlar 21%-i, 50 yaşdan 60 yaşa qədər olanlar 21,2%-i, 60 yaşdan yuxarı olanlar 11,2%-i təşkil edib.
Xatırladaq ki, pensiya sistemi islahatı 2006-cı ilin yanvaın 1-də keçirilib, nəticədə ölkə fərdi sosial sığorta hesabının tətbiqinə keçib. Bu seqmentdə hər ödəyici üçün fərdi hesab açılır və orda onun icbari sosial sığorta üçün ödənişləri toplanır. --17D—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz