Açiq məmbələrdən foto.
Məmməd Əmin Rəsulzadənin azərbaycançılıq ideologiyasının formalaşmasında rolu haqda yeni kitab
Bakı/12.05.20/Turan: “Jeko Print” nəşriyyatı tarixçi Aydın Balayevin “Məmməd Əmin Rəsulzadə və XX əsrin başlanğıcında Azərbaycan millət-dövlətinin yaranması” kitabını nəşr edib. Kitabda müəllifin 2015-ci ildə Londonda çıxan “Caucasus Survey” dərgisində dərc edilmiş məqalə (2015-ci il, № 2) Azərbaycan, rus və ingilis dillərində təqdim edilib.
Əsər M.Ə. Rəsulzadənin XX əsrin başlanğıcında Azərbaycan milli dövlətçiliyinin yaranmasındakı roluna həsr edilib.
Kitabda intellektual elitanın formalaşdırdığı milli ideologiya olmadan millətin təşəkkülünün mümkünsüz olması ideyası irəli sürülür. Milli maraqlar konsepsiyası məhz bu məhdud çevrədə müzakirə olunaraq ortaya çıxır, daha sonra isə geniş kütlələrə ötürülür. Bu konteksdə milli maraqların ifadə forması olan millətçilik faktiki olaraq “millət quruculuğu” layihəsidir.
Bu mənada M. Ə. Rəsulzadə Azərbaycanda gedən millətləşmə proseslərində həlledici rol oynayıb. Kitabda M.Ə. Rəsulzadənin məhz bu istiqamətdəki fəaliyyətindən bəhs edilir.-02D-
Mədəniyyət
-
11 fevralda Bakıda yerləşən Ritual Teatr və Yaradıcılıq Laboratoriyasında “Bakının Əriyən Qar Hekayələri” adlı güclü sənədli teatr tamaşası nümayiş etdirildi. Bu tamaşa, məkan əsaslı teatr üzrə keçirilən bir işgüzar məşğələni yekunlaşdırır. Məşğələdə müxtəlif yaş qruplarından 15 sənətçi iştirak edib, hamısı hekayə anlatımının transformativ gücünü istifadə edərək iqlim dəyişikliyini araşdırmağa çalışıb. Tədbir, Böyük Britaniyalı rejissor Sebastian Harcombe (SECRET/HEART Theatre Company) və Ritual Teatrın rəhbəri Aynur Zərrintac tərəfindən idarə edilib və Britaniya Şurası tərəfindən dəstəklənib.
-
Nizami Kino Mərkəzində Elməddin Alıyevin "Qayıdış" tammetrajlı sənədli filminin təqdimat mərasimi keçirilib. Film Qarabağ münaqişəsindən sonra doğma yurdlarına qayıdan bir arıçı ailəsinin hekayəsini izləyicilərə göstərir.
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
Rəy yaz