Sərhədsiz reportyorlar “Azadlıq” qəzetinin jurnalistinin əsassız saxlanmasını pisləyir
Bakı/ 04.05.20 / Turan: Sərhədsiz reportyorlar mayın 1-də “Azadlıq” qəzetinin jurnalisti Səadət Cahangirin əsassız həbsini və 8 saat dindirilməsini pisləyir.
Təşkilatın Tvitter səhifəsindəki məlumatda deyilir ki, prokurorluğun işçiləri jurnalistin vəkil çağırmasına və doğmalarına telefon etməsinə imkan verməyiblər.
Sərhədsiz reportyorlar qeyd edir ki, prokurorluq əməkdaşları guya sayğacı yoxlamağa gələn qaz işçiləri adı altında mənzilə giriblər. Onlar qanunsuz axtarış aparıblar, kompüter, telefon və pulu götürüblər. Bütün bunlar dindirmədən sonra geri qaytarılmayıb.
Sərhədsiz reportyorlar hakimiyyəti bu qanunsuzluğa son qoymağa çağırır və xatırladır ki, S.Cahangir aprelin 28-də də müsahibə almağa gedərkən “karantin rejimini pozduğuna görə” qanunsuz saxlanılıb, dindirilib və cərimələnib.-02D-
Siyasət
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
Rəy yaz