Bakı/02.03.18/Turan: Martın 2-də Narkoloji Mərkəzdə baş vermiş yanğın zamanı 25 nəfərin həlak olması ümummilli matəmin elan olunması üçün kifayət qədər böyük faciədir. Dövlət başçılarının bassağlığı məktubları da buna əsas verir. Ancaq martın 2-də Bakı telekanalları yayım cədvəlinə çox gec dəyişiklik ediblər. MuzTV-Azərbaycan isə tamaşaçıları şən xəbərlərlə əyləndirməkdə davam edib.
Hadisə yerində olan Turan-ın müxbiri bildirib ki, Stalin dönəmindən qalan taxta binanın içərisində 50-dən çox xəstə olub. Görünür, oranın elektrik xətti də binanın özü kimi köhnə olub. İlkin rəsmi versiyaya görə, yanğın elektrik şəbəkəsində baş vermiş qısa qapanmadan yaranıb. Gecə temperaturun aşağı olduğunu nəzərə alsaq, güman etmək olar ki, bina elektrik radiatorları ilə qızdırılıb ki, bu da elektrik xətlərinin çox yüklənməsinə səbəb olub. Məhz belə olanda köhnə naqillər tüstülənir və qığılcım verir, taxta konstruksiyalar tez alışır.
Cinayət işi qaldırılıb, prezident təhqiqata şəxsən nəzarət edir, təhqiqat günahkarları üzə çıxaracaq. Azərbaycan qanunvericiliyinə isə nəzərə salsaq, görərik ki, "Yanğın təhlükəsizliyi haqqında" qanunun 25-ci maddəsi buna görə məsuliyyəti Fövqəladə Hallar Nazirliyinin Yanğından Mühafizə Xidmətinin üzərinə qoyur. Çünki qurum bütün obyektlərdə yanğın təhlükəsizliyini yoxlamalı, pozuntuların qarşısını almalıdır. Xidmətin göstərişlərinə əməl olunmadığı halda onun əməkdaşları qanunu pozan müəssisənin fəaliyyətini qismən və ya tam dayandıra bilər. Ancaq bu, olmayıb.
Səhiyyə haqqında qanun bu müəssisədə saxlanılan xəstələrin təhlükəsizliyinin təmin edilməsini tibb müəssisələrinin rəhbərlərinin üzərinə qoyur. Qanunun dördüncü maddəsi isə yanğın nəticəsində zərər çəkənlərə və həlak olanların qohumlarına Səhiyyə Nazirliyi və FNH-in işçilərinin barəsində məhkəmə iddiası qaldırmaq hüququ verir.
Xəstəxanalarda, həmçinin digər dövlət müəssisələrində yanğın təhlükəsizliyinin təminatı təsərrüfat işləri üzrə müavinə həvalə edilir.
"Azərişıq"dan bildiriblər ki, binanın içərisində elektrik naqillərinə nəzarət bu ASC-nin funksiyasına daxil deyil.
Yanğının baş verdiyi gün (2 mart 2018-ci il) Səhiyyə Nazirliyinin mətbuat xidməti Sabunçu rayonunda yeni Respublika Narkoloji Mərkəzin açılacağı barədə məlumat yayıb, sanki yanan Mərkəzin köhnə olması və müasir tələblərə cavab verməməsilə razılaşıb.
Yanğından 25 gün öncə, fevralın 4-də isə Səhiyyə Nazirliyinin departament rəhbəri Cavid Xəlilov Day.az-a müsahibəsində talassemiya, hemofiliya, şəkərli diabet, vərəm və digər xəstəliklərin müalicəsi üzrə proqramların uğurla yerinə yetirilməsindən danışıb. Yeni tikilən xəstəxanalardan danışan C.Xəlilov yeni Narkoloji Binanın tikintisini yada salmayıb.
Köhnə mərkəzdə xəstələrin saxlanma və müalicə şəraitinin ağır olması və bizim qeyd etdiyimiz məqamlar Səhiyyə Nazirliyinin və FHN-in Narkoloji Mərkəzin vəziyyətinə laqeyd münasibətini göstərir ki, bu da faciəyə gətirib çıxarıb.
İstintaq günahkarları müəyyən edəcək, ancaq kim cəza alacaq? Əvvəlki faciələri yada salaraq, fikir yürütmək olar. 2015-ci ildə Bakıda çoxmərtəbəli binada baş vermiş yanğın zamanı 15 nəfər həlak olub. Həmin il dənizdə qazma platformasında yanğın nəticəsində 10 neftçi batıb, 23 nəfər itkin düşüb. Kiçik rütbəli məmurlar cəzalandırıldı. Ancaq yüksək rütbəli məmurlar toxunulmaz qalır.0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz