Bakı/18.10.19/Turan: Dünən axşam saxlanılan Azərbaycan Demokratiya və Rifah (ADR) Hərəkatının fəalı Hüseyn Məlik iki saat sonra polisdən buraxılıb. Bu barədə o özü bildirib.
Məlikin sözlərinə görə, o, saxlanıldıqdan sonra Səbail rayon polis idarəsinə aparılıb.
"İki saata yaxın mənimlə "profilaktik söhbət" aparıblar. Mənim də anladığım bu idi ki, bu adamlar mitinqlə bağlı narahatdırlar. Mənə izah etmək istəyirdilər ki, Bakı Şəhər İcra Hakimiyyətinin mitinqə icazə verdiyi ərazidən kənarda mitinq keçirmək qanunsuzdur və bunun qarşısı alnacaq. Hətta bununla bağlı paytaxtın polis rəhbərliyinin mitinq təşkilatçlarına xəbərdarlıq etdiyini də diqqətə çatdırdılar", deyə Məlik bildirib.
O qeyd edib ki, yazılı xəbərdarlığı imzaladıqdan sonra sərbəst buraxılıb.
Müxalif Demokratik Qüvvələrin Milli Şurası oktyabrın 19-na Bakıda mitinq təyin edib. Hakimiyyət müxalifətə aksiyanı şəhərdən 20 km məsafədə, Lökbatan qəsəbəsində keçirməyi təklif edib. Buna cavab olaraq DQMŞ bildirib ki, aksiya Bakının mərkəzində metronun "28 May" stansiyası qarşısındakı meydanda keçiriləcək. -05D06-
* * *
2019 Oktyab 18 (Cümə) 10:40:15
ADR üzvü saxlanılıb
Bakı/17.10.19/Turan: Oktyabrın 17-də Azərbaycan Demokratiya və Rifah (ADR) Hərəkatının İdarə Heyətinin üzvü Hüseyn Məlik saxlanıldı.
Bu barədə AzadlıqRadiosuna məlumat verən Hərəkatın sədri Qubad İbadoğlunun sözlərinə görə, Məlik saat 18:30-da evinin qarşısında heç bir səbəb göstərilmədən polis əməkdaşları tərəfindən saxlanılaraq Səbayil rayon polis idarəsinə aparılıb. "Hazırda onun telefonuna zəng çatmır və onunla əlaqə saxlamaq mümkün deyil".
İbadoğlu vurğuladı ki, saxlanma səbəbi Milli Şuranın oktyabrın 19- da keçirilməsi nəzərdə tutulan mitinqlə iştirakı ilə bağlıdır. "Hüseyn Məlikin həbsini qanunsuzdur və o, dərhal azadlığa buraxılmalıdır", - deyə Q. İbadoğlu bildirib.
Məsələ ilə bağlı Daxili İşlər Nazirliyindən və Səbail rayon Polis İdarəsindən məlumat almaq mümkün olmayıb.--0--
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz