Bakı/18.10.19/Turan: ATƏT-in Minsk Qrupunun həmsədrləri (İqor Popov - Rusiya, Stefan Viskonti - Fransa və Endryu Şofer - ABŞ) ATƏT-in fəaliyyətdə olan sədrinin şəxsi nümayəndəsi Andjey Kasprşiklə birlikdə oktyabrın 14-dən 17-nə qədər regiona səfər ediblər.
ATƏT MQ-nin mətbuat üçün məlumatında deyilir ki, həmsədrlər oktyabrın 15-də Yerevanda baş nazir Nikol Paşinyanla və oktyabrın 17-də Bakıda prezident İlham Əliyevlə görüşüblər və hər iki ölkənin xarici işlər və müdafiə nazirləri ilə məsləhətləşmələr aparıblar.
Səfər zamanı həmsədrlər həmçinin Dağlıq Qarabağda faktiki hakimiyyətlə görüşüblər. Bakıda həmsədrlər Dağlıq Qarabağın azərbaycanlı icmasının sədri ilə görüşüblər.
Dağlıq Qarabağda olarkən vasitəçilər Beynəlxalq Qırmızı Xaç Komitəsinin yerli nümayəndəsi tərəfindən humanitar məsələlərlə bağlı məlumatlandırılıblar.
Hər iki lider həmsədrlərə bu yaxınlarda Aşqabadda BMT sammitində söhbətləri haqqında məlumat veriblər və nizamlama prosesinin necə irəli çəkilə biləcəyi haqqında ideyalarını paylaşıblar.
Həmsədrlər konkret humanitar tədbirlərin və əhalinin sülhə hazırlanması və gərginliyin azaldılması üçün təhlükəsizlik tədbirlərinin görülməsi perspektivini alqışlayıblar.
Həmsədrlər Andjey Kasprşikin mandatına və çoxillik təcrübəsinə uyğun olaraq rəhbərlik etdiyi müşahidə missiyalarının müstəsna əhəmiyyətini bir daha vurğulayıblar. Həmsədrlər tərəfləri bundan sonra da onun komandasının fəaliyyətini tamamilə dəstəkləməyə və monitorinq missiyasına mane ola biləcək istənilən əngəllərin dərhal aradan qaldırılmasını təmin etməyə çağırıblar.
Xarici işlər nazirləri ilin sonuna qədər həmsədrlərin himayəsi altında yenidən görüşmək niyyətlərini təsdiq ediblər.
Həmsədrlər ATƏT Daimi Şurasını və Minsk Qrupu üzvlərini məlumatlandırmaq üçün yaxın günlərdə Vyanaya yola düşəcəklər. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz