Aslan İsmayılov
Bakı/31/07/18/Turan: Səbael rayon Məhkəməsi hüquqşunas Aslan İsmayılovu Cinayət Məcəlləsinin 147.2-ci (ağır cinayətdə ittiham etməklə böhtan atma) maddəsi ilə cəzalandırıb. İş adamı, "Xəmsə" şadlıq sarayının sahibi Mürvət Həsənovun hüquqşunasa qarşı tələbləri qismən təmin edilib.
Mürvət Həsənov ilə "Emre Piliç - Qida Sənaye və Ticarət Limited" şirkətinin rəhbəri Ömür Oral arasında yaşanan qalmaqalda türk biznesmenin vəkili Aslan İsmayılovdur. M.Həsənov iddia edirdi ki, hüquqşünas Facebook sosial şəbəkəsində ona "dələduz" deyib.
Bu gün, iyulun 31-də Səbayel Rayon Məhkəməsində iş adamının iddiası üzrə sonuncu məhkəmə iclası keçirilib.
Hakim Azər Tağıyevin məhkəmə istintaqının yekunlaşdığını elan etməsinə A.İsmayılov etiraz etsə də onun etirazı qəbul edilməyib. Tərəflər son söz deyiblər.
İş adamı M.Həsənli məhkəmədən xahiş edib ki, A.Ismayılov məhkəmə zalında həbs edilsin.
A.İsmayılov isə ona qarşı irəli sürülən ittihamı rədd edib.
Məhkəmə qısa müşavirədən sonra qərarı elan edib. Qərara əsasən, A.Ismayılov 1 il 6 ay müddətinə islah işlərinə məhkum edilib. Həmçinin, onun qazancından 15% dövlət nəfinə tutulmalı, 1500 manat cərimə ödəməlidir.
İş adamı Mürvət Həsənov ilə "Emre Piliç - Qida Sənaye və Ticarət Limited" şirkətinin rəhbəri Ömür Oral arasında borc qalmaqalı baş verib. Türk biznesmenin vəkili Aslan İsmayılov olub.
M.Həsənov məhkəmədə iddia edir ki, Aslan İsmayılov "Facebook" səhifəsində, mediaya açıqlamalarında onun ünvanına böhtan məzmunlu ifadələr işlədib.
O, hüquqşunasın böhtana görə, həbs edilməsini istəyirdi.-0--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz