�Hər sərnişinə görə orta illik gəlir 52 qəpik təşkil edir�, - iqtisadçı
Bakı/31.07.18/Turan: "Bakı Metropoliteni" QSC-nin mətbuat xidmətinin rəhbəri bəyan edib ki, bir sərnişinin daşınması onlara 47 qəpiyə başa gəlir, əslində isə bizim hesablamalara görə, hər sərnişinə görə orta illik gəlir 52 qəpik təşkil edir.
Bu barədə özünün Facebook səhifəsində İqtisadi Araşdırmalar Mərkəzinin rəhbəri Qubad İbadoğlu məlumat verib.
Öz hesablamalarını əsaslandıran iqtisadçı qeyd edib ki, illik orta sərnişin dövriyyəsi 201 milyon 221 min 400 nəfərdir. Metro köhnə qiymətlə (20 qəpik) 40 milyon 244 min 280 manat qazanırdı, yeni qiymətlə (30 qəpik) 60 milyon 366 min 420 manat qazanacaq.
"Bu o deməkdir ki, sərnişin dövriyyəsində dəyişiklik baş verməzsə, yeni maliyyə ilində (avqust 2018-2019) əlavə olaraq 20 milyon 122 min 180 manat gəlir əldə edəcək. Maliyyə Nazirliyinin saytında yazılır ki, 2018-ci ilin dövlət büdcəsindən "Bakı metropoliteni" QSC-yə sərnişin daşınma xidmətinin tarifinin dövlət tərəfindən tənzimləndiyinə və bu fəaliyyətin sosial xarakter daşıdığına cəmiyyətdə yaranan zərərin ödənilməsinə, maliyyə sağlamlaşdırılmasına 45 milyon manat subsidiya, yeni vaqon və eskalatorların alınmasına dövlət əsaslı vəsait qoyuluşu xərclərində isə 44 milyon manat əlavə vəsait nəzərdə tutulmuşdur ki, bu da 2017-ci illə müqayisədə 22,5 milyon manat və ya 29,4 faiz çoxdur.
İqtisadçı qeyd edib ki, reklam şitləri, video çarxları və monitorlarının kirayə verilməsindən və yerləşdirilməsindən hər il 10 milyonlarla vəsait qazanır.
Bundan əlavə, metropoliten keçidlərdə yerləşən apteklər üçün kirayə haqqından gəlir əldə edir.
"Beləliklə, bu il Bakı metropoliteninin gözlənilən gəliri 150 milyon manat təşkil edir".
Q.İbadoğlu metropoliten rəhbərliyinə bir sərnişinin daşınmasının xərc strukturunu açıqlamağı təklif edib.
Qeyd edək ki, Tarif Şurasının qərarı ilə avqustun 1-dən ictimai nəqliyyatda gediş haqqı 20 qəpikdən 30 qəpiyə artırılıb.-71D-
-
- Cəmiyyət
- 31 İyul 2018 17:42
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz