• flag_EN
    • flag_RU

Son yenilənmə

(1 saat əvvəl)
Azərbaycan hüquq müdafiəçilərinin dəstəyə ehtiyacı var
A- A A+
EN RU
Turan İnformasiya Agentliyi
Turan İnformasiya Agentliyi

Azərbaycan hüquq müdafiəçilərinin dəstəyə ehtiyacı var

Azərbaycan İnsan Haqları Evi (AİHE) “Azərbaycanda hüquq müdafiəçilərinə dəstək” layihəsinin başa çatması ilə bağlı cümə günü “Sapphire Hotel”də yekun mətbuat konfransı keçirib.

 
    AİHE-nin əlaqələndiricisi Şəhla İsmayıl layihənin 2012-ci ilin yanvarından icra edilməyə başlandığını, Bakı şəhəri və daha 8 rayonu əhatə etdiyi deyib. Layihənin icrasından birbaşa 1500, dolayısı ilə 4 mindən çox vətəndaşın faydalandığı vurğulanıb. Amma layihənin ağır şəraitdə icra olunduğu nəzərə çatdırılıb. Belə ki, rayonlarda layihə ilə bağlı tədbirlərin keçirilməsinə yerli icra hakimiyyətləri və polis maneələr yaradıb, bir sıra tədbirlərin keçirilməsinin qarşısı alınıb. 
 
    İnsan Haqları Evi Fondunun (İHEF) regional əlaqələndiricisi Katerina Spasova layihənin ağır şəraitdə yerinə yetirilməsinə diqqət çəkib. Hətta bəzi hallarda Bakı şəhərinin özündə layihə çərçivəsində görülməsi nəzərdə tutulan təbdirlərə yer verilməsindən imtina olunub. Bundan əlavə, natiq belə şəraitdə rəsmi Bakının AİHE-ni bağlamasını xatırladıb. Şərait ağırlaşdığına görə AİHE layihəni tərəfdaş təşkilatlarla birgə icra edib. Layihənin baa çatması ilə işin dayanmayacağı qeyd edilib. Belə ki, Fondun AİHE və tərəfdaş təşkilatlarla fəaliyyəti davam etdirmək üçün müqavilə imzalamağa hazırlaşdığı qeyd olunub. İnsan Haqları Evlərinin şəbəkələşməsi nəzərdə tutulur, çünki belə “evlər” dünyanın 10 ölkəsində fəaliyyət göstərir, gələcəkdə isə genişlənməsi gözlənilir. Layihə ölkədə yeni hüquq müdafiəçilərinin yetişdirilməsi və insan haqlarını müdafiə sisteminin etibarlı hala salınmasını hədəf seçib. Bu gənc nəsil hüquq müdafiəçilərinə hüquq müfdafiə işinin əsasları təlim edilib.    
 
    Avropa İttifaqının Azərbaycan nümayəndəliyinin proqram meneceri Məryəm Hacıismayılova təzyiqlərə baxmayaraq, layihənin sona çatıdılmasının özünü uğurlu nəticə kimi dəyərləndirib. Hüquq müdafiə işinə dəstək verilməsi Aİ Azərbaycan nümayəndəliyinin fəaliyyətinin tərkib hissəsi adlandırılıb. Bu yöndə nümayəndəliyin fəaliyyətinin bundan sonra da davam etdiriləcəyi nəzərə çatdırılıb.   
 
    Hüquq Maarifçiliyi Cəmiyyətinin rəhbəri İntiqam Əliyev ölkənin hüquq müdafiə sistemində durumun çox ağır olduğunu söyləyib. Rəsmi Bakının bu sahədə fəaliyyət göstərən qurumları müxtəlif üsullarla sıradan çıxardığı qeyd olunub. 
 
    Risk böyük olduğuna görə gənclərin bu sahəyə gəlməyə maraq göstərmədiyi deyilib. QHT-lərə Dövlət Dəstəyi Şurası “QHT sektorunu sıradan çıxaran qurum” kimi dəyərləndirilib. İ.Əliyev ad çəkmədən bir çox hüquq müdafiə təşkilatlarının müəyyən prinsipial məqamlarda iqtidarın mövqeyindən çıxış etməsinə diqqət çəkib. İqtidarın vətəndaş mövqeyi sərgiləyən QHT-ləri təzyiq, vergi, hədə-qorxu, işdən qovmaq və s. üsullarla sıradan çıxardığı yada salınıb. İ.Əliyev beynəlxalq donor təşkilatlara bilərkdən və ya bilməyərəkdən iqtidaryönlü QHT-ləri dəstək verməməyə çağırıb. Bir sıra beyənlxalq qurumların son illərə dair hesabatlarında isə rəsmi Bakının tənqiddən kənarda qaldığı vurğulanıb. 
 
    Ölkənin hüquq müdafiə sistemində köklü dəyişkilyə nail olmaq üçün ilk növbədə gənc hüquq müdafiəçilərinə hərtərəfli dəstək verilməsi təklif olunub. -05C-    
 

Rəy yaz

Cəmiyyət

Bizi sosial şəbəkələrdə izləyin

Xəbər lenti