Bakı /07.08.17/Turan: Bu gün Demokratik Qüvvələrin Milli Şurasının üzvü Cəmil Haciyev saat 16:00-a yaxın Binəqədi Rayon Polis İdarəsinin 4 saylı bölməsindən buraxılıb. Bu barədə Turan-a hüquq müdafiəçisi Fuad Həsənov bildirib.
Saxlanmaya səbəb C.Hacıyevin etiraz aksiyalarında iştirakı ilə bağlı məhkəmə işi olub. Belə ki, bu gün Binəqədi Rayon Məhkəməsində C.Hacıyev prosesin yubanmasına etirazını bildirib. Bu, məhkəmə nümayəndəsinin xoşuna gəlməyib. Binadan çıxarkən C.Hacıyevi polis saxlayıb və 4 saylı polis bölməsinə aparıb.
Onu məhkəmə binasında xuliqanlıqda ittiham ediblər və yenidən məhkəməyə aparıblar, ancaq yolda təkrar polisə qaytarıblar.
Ondan iltizam alıblar və bildiriblər iki gün ərzində məhkəmə olmalıdır və istənilən vaxt məhkəməyə gəlməlidir.
C.Hacıyev bundan öncə də etiraz aksiyalarında iştiraka görə inzibati həbsə məruz qalıb. Bu yaxınlarda Avropa məhkəməsi onun şikayətini təmin edib və 2012-2013-cü illərdə müxalifətin mitinqlərində iştiraka görə həbs olunduğu üçün ona 13 20 avro kompensasiya ödənilməsi barədə qərar çıxarıb.-05B-
* * *
2017 Avqust 07 (Bazar ertəsi) 17:09:05
Siyasi fəal saxlanılıb
Bakı/07.08.17/Turan: Demokratik Qüvvələrin Milli Şurasının fəalı Cəmil Hacıyevi polis saxlayıb. Bunu hüquq müdafiəçisi Fuad Həsənov bildirib.
Saxlanmanın səbəbləri məlum deyil. C.Hacıyev Binəqədi Rayon Polis İdarəsinin 4 saylı polis bölməsinə aparılıb.
Xatırladaq ki, C.Hacıyev Mədən Sənayesində Şəffaflıq Koalisiyasi Monitorinq Qrupunun üzvüdür.-05b-
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Rəy yaz