Bakı/21.09.16/Turan: Vətəndaş cəmiyyətinin bir qrup fəalı hakimiyyət və hökumətyönlü QHT tərəfindən Açıq Hökumətin təşviqi üzrə hökumət-vətəndaş cəmiyyəti dialoqu platformasının yaradılmasını tənqid edib.
Bəyanatda xatırladılır ki, sentyabrın 9-da Azərbaycan prezidenti yanında QHT-lərə Dövlət Dəstəyi Şurasının təşəbbüsü ilə dövlət qurumlarının və bəzi QHT-lərin iştirakı ilə Açıq Hökumətin təşviqi üzrə hökumət-vətəndaş cəmiyyəti dialoqu platforması yaradılıb.
Hələ 2016-cı il avqustun 1-də vətəndaş cəmiyyətinin nümayəndələri Azərbaycanda Açıq Hökumət Platformasının yaradılması təşəbbüsü ilə əlaqədar tərəflərə müraciət ediblər.
Lakin QHT-lərə Dövlət Dəstəyi Şurası sözügedən bəyanatın həmmüəlliflərindən yalnız üçünü Dialoq Platformasının təsis yığıncağına dəvət edib.
Eyni zamanda Dialoq Platformasına vətəndaş cəmiyyətindən namizədlərin seçim meyarları aydın deyil. Dialoq Platformasının tərkibindən məlum olur ki, hökumət əsasən özünə sərf edən təşkilatlarla işləmək istəyir.
Dialoq Platformasının fəaliyyət və idarəetmə mexanizmləri bəlli deyil. Qurumun əsasnamə ilə deyil, ümumi xarakterli reqlament əsasında idarə olunması nəzərdə tutulur.
Seçki proseduru, Dialoq Platformasının koordinatorunun səlahiyyətləri və fəaliyyət müddəti bəlli deyil.
Qurumun memorandumundan belə anlaşılır ki, Dialoq Platforması yalnız hökumətin qəbul etdiyi 2016-2018-ci illər Fəaliyyət Proqramının monitorinqi ilə məhdudlaşacaq, beynəlxalq Açıq Hökumət Tərəfdaşlığının prinsiplərinin, meyarlarının və təşəbbüslərinin ölkədə yayılması məsələlərini tam əhatə etməyəcək.
Bəyanat müəllifləri hesab edirlər ki, Dialoq Platforması müstəqil vətəndaş cəmiyyətinin iradəsini ifadə etmir.
Qurumun məqsədi Açıq Hökumət Tərəfdaşlığı təşəbbüsü üzrə tənqidi səslərin boğulması, alternativ fikirlər üçün məkanın daraldılması, hökumət və vətəndaş cəmiyyəti arasında gerçək dialoq imkanlarının məhdudlaşdırılmasıdır.
Odur ki, müəlliflər hesab edirlər ki, təsis edilən yeni qurum hakimiyyətin fəaliyyətinə obyektiv qiymət verə bilməyəcək, Açıq Hökumətin təşviqi üzrə Mlli Fəaliyyət Planının icrasına töhfə verməyəcək.
Bununla yanaşı sənəd müəllifləri bəyan edirlər ki, Açıq Hökumət Tərəfdaşlığının prinsip və meyarlarının yayılması üçün fəaliyyətlərini davam etdirəcəklər.
Bu məqsədlə müstəqil vətəndaş cəmiyyəti qurumlarının səylərini birləşdirəcək müvafiq koalisiyanın və ya şəbəkənin formalaşdırılması üçün müzakirələrə başlanması nəzərdə tutulur.
Sənədi vətəndaş cəmiyyətinin 28 fəalı – hüquqşünaslar Asabali Müstafayev, Akif Qurbanov, Anar Məmmədli, Ələsgər Məmmədli, Xalid Ağaliyev, Xalid Bağırov, hüquq müdafiəçiləri Rəsul Cəfərov, Oqtay Gülalıyev, Samir Kazımlı, Bəşir Süleymanlı, jurnalistlər Aynur İmranova, Mehman Əliyev, Əvəz Zeynallı, Rövşən Hacıbəyli, iqtisadçılar Azər Mehdiyev, Qubad İbadoğlu, Rövşən Ağayev, Samir Əliyev, Vahid Məhərrəmov və başqaları imzalayıblar.
2016-cı il mayın 4-də Keyptaunda Açıq Hökumət Tərəfdaşlığı rəhbər komitəsinin iclasında vətəndaş cəmiyyətinə təzyiqlərlə əlaqədar Azərbaycanın statusu tamhüquqlu üzvdən “qeyri-aktiv ölkə” statusuna endirilib.
Azərbaycana vəziyyəti düzəltmək və öz öhdəliklərini yerinə yetirmək üçün bir il vaxt verilib. Bu müddətdə hakimiyyət vətəndaş cəmiyyətinin problemlərinin həllilə bağlı addımlar atmalıdır.06d-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz