Bu gün “Şəffaflıq Azərbaycan” QHT-nin USAİD tərəfindən maliyyələşdirilən layihə çərçivəsində təşkil etdiyi dəyirmi masada əmək münasibətlərində yaranan problemlər və onların həlli yolları müzakirə olunub.
QHT rəhbəri Rəna Səfərəliyeva qeyd edib ki, layihədə şəffaflıq məsələləri üzrə hökumət qurumları ilə birgə keçirilən bir sıra belə tədbirlər nəzərdə tutulub.
Əmək və Əhalinin Sosial Müdafiəsi Nazirliyinin baş məsləhətçisi Bəxtiyar Muradov son illər əmək hüquqlarının müdafiəsi üzrə həyata keçirilən işdən danışıb. Problemlər çox vaxt əmək müqavilələri olmadığı üçün və ya onlarda əməkdaşların maraqları əksini tapmadığı üçün yaranır. Şəffaflığın artırılması məqsədilə əmək müqavilələri haqqında elektron bildiriş sistemi tətbiq ediləcək. Bu gün 1 mln. 900-dən çox əmək müqaviləsi elektron formada təqdim edilib.
Muradov həmçinin bildirib ki, Avropa Sosial Xartiyasına əsasən, minimum əmək haqqı ölkə üzrə orta əmək haqqının 60%-nə bərabər olmalıdır. Azərbaycanda bu göstərici hazırda 28% təşkil edir.
Əmək Nazirliyi 2020-ci ilə qədər minimum əmək haqqının mərhələli şəkildə orta əmək haqqının 50%-nə qədər artırılması üzrə təkliflər təqdim edib.
Muradov həmçinin bildirib ki, vətəndaşlar əmək hüquqları haqqında suallarla 142 telefon nömrəsi ilə Əmək Nazirliyinə müraciət edə bilərlər.
“Şəffaflıq Azərbaycan” QHT-nin eksperti Aytən Əlizamanlı əmək münasibətlərinin təkmilləşdirilməsi üzrə tövsiyələr təqdim edib. Belə ki, minimum əmək haqqını heç olmasa yaşayış minimumuna çatdırmaq nəzərdə tutulur. İndi minimum əmək haqqı 105 manat, yaşayış minimumu isə 140 manat təşkil edib.
Bundan başqa, insanların haqqı ödənilməyən əlavə işlərə cəlb etməyə imkan verən qanun normalarının ləğvi nəzərdə tutulur.
Həmçinin 5, 10, 15 il və daha çox iş stajı olan işçilərlə əmək müqavilələrinin ləğvi zamanı təzminat təyin edilməsi tövsiyə olunur.
Əlillərin məşğulluğuna diqqətin artırılması zərurəti qeyd edilib.
Görüşdə həmçinin vətəndaşların əmək hüquqlarının təmin edilməsi sahəsində elektron xidmətlərin təkmilləşdirilməsi üzrə tövsiyələr irəli sürülüb. -06C-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz