Arxiv
Bakı/11.08.17/Turan: Bu gün Şirvanda polis Demokratik Gənclər Təşkilatının rəhbəri İsmayıl İslamoğlunun atasını saxlayıb. Bu barədə Turan-a İ. İslamoğlu özü bildirib.
Onun szölərinə görə, bir neçə saatdan sonra gənc fəala zəng ediblər ki, Şirvan polis şöbəsinə gəlsin.
"Dedilər ki, özün gəlməsən atanı buraxmayacağıq. Mən razılaşdım. Hansı polis bölməsinə desələr oraya gedəcəm. Hazırda zəng gözləyirəm", - İ.İslamoğlu qeyd edib.
O axtarılmağının səbəbinin siyasi məhbuslarla bağlı tədbir keçirməsi və etiraz aksiyası keçirəcəyi barədə status yazması ilə bağlı olduğunu bildirib.
AXCP Sumqayıt şöbəsinin fəalı Ruslan Qaranın isə telefonu bir neçə saatdır ki, cavab vermir.
AXCP Sumqayıt şöbəsində bildiriblər ki, R.Qara bu gün səhər saatlarında evlərinin qarşısında mülki geyimli şəxslərin olduğu barədə onları məlumatlandırıb.
"4 saatdan çoxdur ki, Ruslan Qaradan xəbər yoxdur", - fəal Elçin Həsənzadə bildirib.
Avqustun 11-də mülki şəxslər Press-az.com saytının rəhbəri Polad Aslanovun evinə gedərək onu axtardıqlarını bildiriblər. Telefon nömrəsini soruşublar. Bu barədə Turan-a P.Aslanov özü bildirib.
P.Aslanov axtarılmağının səbəbini siyasi məhbusların hüquqlarının müdafiəsi ilə bağlı apardığı işlə əlaqələndirib. -03B-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz