Gürcüstandan bir qrup Azərbaycan miqrantı Azərbaycanda yaşamaq və işləmək üçün onlara imtiyazlar verilməsi xahişi ilə prezident İlham Əliyevə müraciət edib. Qafqaz Araşdırmaları Mərkəzi QHT-nin rəhbəri Kamran Ramazanlı bugünki mətbuat konfransında bildirib ki, əmək miqrantları və Gürcüstan azərbaycanlıları arasında digər kateqoriyalı şəxslər ciddi çətinliklərlə qarşılaşırlar.
O, Gürcüstan azərbaycanlılarını dörd qrupa bölüb: tələbələr, əmək miqrantları, 1989-91-ci illərdə Gürcüstandan deportasiya olunanlar və qarışıq ailələr. Sonuncuların sayı təxminən 50 min nəfər təşkil edir.
Tələbələrin problemi yoxdur, onlar 40 manata Azərbaycanda təhsil almaq hüququ alırlar. Lakin bu yaxınlarda əmək miqrantlarının ciddi problemləri başlayıb. Belə ki, qanunvericiliyin əcnəbi vətəndaşlar üçün olan iş icazəsi üçün ildə 1100 manat rüsum ödənməsi haqqında müddəası onlara da şamil edilməyə başladı. İşə götürən isə onlar üçün əlavə olaraq 3000 manat ödəməlidir. Rüsumu ödəməyən miqrantı 400 manat cərimə və deportasiya gözləyir.
Gürcüstan azərbaycanlılarının gəlirləri yüksək deyil və onlar bu pulu ödəmək iqtidarında deyillər, işə götürənlər üçün isə onları işlə təmin etmək sərfəli deyil.
Hələ 90-cı illərin əvvəllərində Azərbaycana gələnlərin çoxlarının indiyədək statusu yoxdur. Maraqlıdır ki, onların övladlarını Azərbaycan ordusunda xidmətə aparırlar, amma vətəndaşlıq vermirlər.
Qarışıq ailələrdə yaşayanların problemi ondan ibarətdir ki, vətəndaş olmayan ailə üzvləri (uşağın anası və ya atası) hər rübdə bir dəfə Gürcüstana gedib, yenidən Azərbaycana keçməlidirlər.
Bundan başqa, Gürcüstan azərbaycanlıları müvəqqəti və hətta 5 il müddətinə daimi yaşayış icazəsi alsalar da, Azərbaycan vətəndaşlığı almaq şansları yoxdur.
Azərbaycan hakimiyyətinin bu siyasəti Gürcüstandan azərbaycanlıların kütləvi axınının qarşısının alınması ilə izah olunur.
Lakin belə olan halda Azərbaycan hakimiyyəti Gürcüstan azərbaycanlılarının sosial-iqtisadi problemlərinin həllinə köməklik göstərməli, investisiyalar təşviq etməli, müəssisələr yaratmalı və onların çörək pulu qazanmasına yardım etməlidir.
Müraciət müəllifləri Azərbaycan prezidentinin sözügedən problemlərin həllinə köməklik göstərəcəyinə ümid edirlər. -04C-
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz